نۇر-سۇلتان قالاسىندا كارانتيندىك شەكتەۋ شارالارىن كەزەڭ-كەزەڭىمەن جەڭىلدەتۋ بويىنشا ەلوردانىڭ باس سانيتارلىق دارىگەرى قاۋلىعا وزگەرىستەر ەنگىزدى دەپ حابارلايدى "ادىرنا" ۇلتتىق پورتالى.
قاۋلىدا كورسەتىلگەندەي، ەلورداداداعى ەپيدەميولوگيالىق جاعدايدىڭ تۇراقتالۋىنا بايلانىستى، كارانتين شارالارى جەڭىلدەتىلدى. قالاداعى ويىن-ساۋىق ورتالىقتارى، ساۋدا ۇيلەرى جۇمىس كۇندەرى ساعات 10:00-دەن 23:00-گە دەيىن جۇمىس جاساۋىنا رۇقسات ەتىلدى.
الايدا دەمالىس جانە مەرەكە كۇندەردەگى جۇمىسقا تىيىم سالۋ تالابى وزگەرىسسىز قالدى.
سونىمەن قاتار، قوعامدىق تاماقتانۋ ورىندارىنىڭ جۇمىسىنا دا وزگەرىستەر ەنگىزىلدى. قوعامدىق تاماقتانۋ وبەكتىلەرى (مەيرامحانا، ءدامحانا، بار، اسحانا), ونىڭ ىشىندە سوسو-دا ورنالاسقان ورىندار (جەكە عيمارات) دەمالىس جانە مەرەكە كۇندەرى ساعات 9:00-دەن 00:00-گە دەيىن جۇمىس جاساۋىنا رۇقسات ەتىلدى. بىراق بۇل جەرلەردە توي، ادام كوپ جينالاتىن شارالار وتكىزۋگە تىيىم وزگەرمەگەن.
18 قىركۇيەكتە جاريالانعان قۇجاتقا سايكەس، قالاداعى «Ailand» وتباسىلىق دەمالىس ورتالىعىنا، «دجۋنگلي» جانە وكەاناريۋما، «حان شاتىرداعى» جاعاجاي كلۋبتارىنىڭ سانيتارلىق تالاپتاردى قاتاڭ ساقتاي وتىرىپ جۇمىس ىستەۋىنە رۇقسات ەتىلدى.
ەندىگى كەزدە قوعامدىق كولىكتەر جۇمىس جانە دەمالىس كۇندەرى ساعات 6:00-دان 23:00-كە دەيىن جۇرە باستايدى.
قۇجاتتىڭ تولىق ءماتىنىن مىنا سىلتەمە ارقىلى كورۋگە بولادى.
سۋرەت astana.gov.kz سايتىنان
