كارانتين تالاپتارى 2022 جىلعا دەيىن سوزىلۋى مۇمكىن

بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ Facebook پاراقشاسىندا جازدى.  "قۇرمەتتى دوستار! سىزدەرگە تەك مينيستر رەتىندە عانا ەمەس، كوروناۆيرۋس ەپيدەمياسىنا بايلانىستى بۇگىنگى جاعدايدى ۋايىمدايتىن ادام رەتىندە جازىپ وتىرمىن. ارقايسىمىزدىڭ جەكە جاۋاپكەرشىلىگىمىز بولۋى كەرەك ۋاقىت كەلدى. "جەكە كارانتين" ەرەجەلەرىن سانالى تۇردە ۇيرەنەتىن ۋاقىت كەلدى", - دەپ جازدى مينيستر. ءبىرتانوۆ جۇقتىرۋدىڭ الدىن الۋ ءۇشىن قاراپايىم شارالاردى اتاپ ءوتتى:  

• مۇمكىندىگىنشە جۇمىستا، كولىكتە، كوشەدە، دۇكەندە جانە ت.ب. جەردە ءبىر-بىرىمىزدەن قاشىقتىقتى ساقتاۋىمىز كەرەك. ەگەر ءسىز وفيستە جۇمىس ىستەيتىن قىزمەتكەر بولساڭىز، وندا قاشىقتان جۇمىس ىستەڭىز. تۋىستار جانە دوستارمەن بەينەبايلانىس ارقىلى سويلەسىڭىز;
• قوعامدىق ورىنداردا ماسكا تاعىڭىز;
• قولدى سابىنمەن كەمىندە 20 سەكۋند بويى جۋىڭىز، قولدى سانيتايزەرمەن تازالاڭىز;
• وتباسى مۇشەلەرىنىڭ دەنە تەمپەراتۋراسىن ولشەپ تۇرىڭىز;

جاقىندا گارۆارد قوعامدىق دەنساۋلىق مەكتەبىندەگى پروفەسسوردىڭ ماقالاسى جاريالاندى.  SARS-CoV-2 كوروناۆيرۋسىنىڭ ەسەبى كورسەتىلگەن. وندا ماۋسىمدىق دەرەكتەر، يممۋنيتەتكە جانە بەتا-كوروناۆيرۋستىڭ يممۋنيتەتىنە قيۋلاسۋى قاراستىرىلعان. "... SARS-CoV-2 كۇز-قىز ماۋسىمىندا قايتا جاپپاي تاراۋى مۇمكىن دەگەن بولجام بار جانە جاڭا تولقىنى بولماۋى ءۇشىن 2022 جىلعا دەيىن بىرقالىپتى الەۋمەتتىك قاشىقتىقتى ساقتاۋ كەرەك. بۇل ۋاقىتقا دەيىن جاپپاي يممۋنيتەت قالىپتاسۋى مۇمكىن نەمەسە ۆاكتسينا دايىن بولىپ قالار. قازىر SARS- CoV-2-گە يممۋنيتەت قاشان قالىپتاسادى جانە قانداي دارەجەدە بولاتىنى ازىرگە بەلگىسىز. باسىلىمنىڭ دەرەكتەرىنە سۇيەنسەك، ءتۇرلى بولجام بار. قىسقا مەرزىمدى يممۋنيتەت (40 اپتا) قالىپتاسسا، وندا جىل سايىن جاپپاي تارالۋ بولادى. ەگەر ۇزاق مەرزىمدى يممۋنيتەت (104 اپتا) قالىپتاسسا، جىلىنا ەكى رەت جاپپاي تارالۋ بولادى ", - دەپ جازدى مينيستر.  

 اياۋلىم ءابىلدا، "ادىرنا" ۇلتتىق پورتالى.