قازاقستاننىڭ ءۇش وبلىسىندا اۋا رايىنا بايلانىستى تاس جولدار جابىلدى

قازاقستاننىڭ ءۇش وبلىسىندا اۋا رايىنىڭ قولايسىزدىعىنا بايلانىستى تاس جولدار جابىلدى، دەپ حابارلايدى "ادىرنا" ۇلتتىق پورتالى «قازگيدرومەت» رمك-عا سىلتەپ. «ءۇش وبلىستاعى رەسپۋبليكالىق ماڭىزى بار جولداردىڭ ءۇش ۋچاسكەسىندە قوزعالىسقا شەكتەۋ ەنگىزىلدى»، - دەلىنگەن حابارلامادا. جامبىل وبلىسى: «الماتى-تاشكەنت-تەرمەز» 159-238 كم.، كەنەن اۋىلى - قاينار اۋىلى ماڭى(جولدان ءوتۋ ەسكى قورداي اسۋى ارقىلى جۇزەگە اسىرىلادى) – 79 كم. شەكتەۋ كولىكتەردىڭ بارلىق تۇرلەرىنە قاتىستى (جەل، جاڭبىر جانە قار، تۇمان، كورۋ مۇمكىندىگى شەكتەۋلىنە بايلانىستى) باتىس قازاقستان وبلىسى: «سامارا-شىمكەنت» كم. 266-393 كم.، پودستەپنوە اۋىلى - جىمپيتى اۋىلى 127 كم قاشىقتىقتا. شەكتەۋ جۇك جانە قوعامدىق كولىكتەرگە قاتىستى. سولتۇستىك قازاقستان وبلىسى: «بۋلاەۆو-ۆوزۆىشەنكا-مولوگۆاردەيسكوە-كيروۆو-قيالى-روششينسكوە»  62-228 كم.،  ۆوزۆىشەنكا اۋىلى - روششينسكوە اۋىلى ماڭى – 166 كم. شەكتەۋ كولىكتەردىڭ بارلىق تۇرلەرىنە قاتىستى (بوران، جول كورىنۋىنىڭ ناشارلاۋى) رەسپۋبليكالىق ماڭىزى بار جولداردا تۋىندىعان قولايسىزدىقتار ءۇشىن 779 بىرلىك تەحنيكا مەن 1432 ادام جۇمىلدىرىلعانى كورسەتىلگەن.