«مايقايىڭالتىن» اق تاۋ-كەن اۋدانىندا اپانعا قۇلاعان اۆتوبۋستىڭ بولشەكتەرى مەن قۇتقارۋشىلاردىڭ كاسكاسى تابىلدى. بۇل جايلى جۋرناليست وڭعار قابدەن وقيعا بولعان جەردەن اقپارات تاراتتى، دەپ حابارلايدى “ادىرنا” ۇلتتىق پورتالى.
ايتا كەتەيىك، اپاتتىڭ بولعانىنا 14 كۇن بولدى. قۇتقارۋ جۇمىستارى جالعاسۋدا.
ەسكە سالا كەتسەك، 4 قاڭتاردا پاۆلودار وبلىسى باياناۋىل اۋدانىندا «مايقايىڭالتىن» اق شاحتاسىنا قۇتقارۋشىلار مىنگەن اۆتوبۋس قۇلاپ كەتتى.
«اپات كەزىندە اۆتوبۋستا 4 ادام بولعان: كااقق روش پاۆلودار فيليالىنىڭ 3 قۇتقارۋشىسى مەن 1 جۇرگىزۋشى. شاحتادان 33 جۇمىسشى ەۆاكۋاتسيالاندى، ولاردىڭ ءومىرى مەن دەنساۋلىعىنا قاۋىپ تونگەن جوق»، – دەپ حابارلادى باستاپقىدا وبلىستىق توتەنشە جاعدايلار دەپارتامەنتى.
كەيىن «كاسىبي اسكەريلەندىرىلگەن اۆاريالىق-قۇتقارۋ قىزمەتى» تجد قۇتقارۋشىلارى قۇمنان 2 ادامنىڭ ءمايىتى تابىلعانىن جاريالادى.
5 قاڭتاردا كەنىش اۋماعىندا ىزدەستىرۋ-قۇتقارۋ جۇمىسى اياقتالماعانى، شاحتاعا قۇلاپ كەتكەن 2 ادام الى تابىلماعانى مالىمدەلدى.
