ميللياردەر بولات وتەمۇراتوۆقا تيەسىلى Rixos Borovoe قوناق ۇيىندە ادامداردىڭ جاپپاي ۋلانعانى ءۇشىن ايىپپۇل سالىندى، دەپ حابارلايدى “ادىرنا” ۇلتتىق پورتالى قازتاگقا سىلتەمە جاساپ.
بەلگىلى بولعانداي، بۋراباي كۋرورتىندا 2023 جىلدىڭ 8 قىركۇيەگىندە Rixos قوناق ۇيىندە مەكەمەنىڭ 21 قىزمەتكەرىندە باكتەريالىق ىشەك ينفەكتسياسى انىقتالعان. توعىز قىزمەتكەر كوكشەتاۋ اۋرۋحاناسىنا جەتكىزىلدى. سودان كەيىن سانيتارلىق قىزمەتتەر "Burabay Hotel Management" جشس قوناق ۇيىنە تەكسەرۋ جۇرگىزدى.
زەرتتەۋ ناتيجەلەرىنەن جارامدىلىق مەرزىمى ءوتىپ كەتكەن شۇجىق ونىمدەرى انىقتالعان.
"Burabay Hotel Management" جشس قر اقبتك 425 – بابىنىڭ 2-بولىگى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلسىن جانە وسى بويىنشا مەملەكەت كىرىسىنە 4 830 000 تەڭگە سوماسىندا ايىپپۇل تۇرىندە اكىمشىلىك جازا قولدانسىن", - دەلىنگەن بۋراباي اۋداندىق سوتىنىڭ قاۋلىسىندا.
Forbes جۋرنالىنىڭ رەيتينگىسىنە سايكەس، Rixos Borovoe قوناق ءۇيى بەلگىلى كاسىپكەر بولات وتەمۇراتوۆقا تيەسىلى.
“ادىرنا” ۇلتتىق پورتالى
