Mıllıarder Bolat Ótemuratovqa tıesili Rixos Borovoe qonaq úıinde adamdardyń jappaı ýlanǵany úshin aıyppul salyndy, dep habarlaıdy “Adyrna” ulttyq portaly QazTagqa silteme jasap.
Belgili bolǵandaı, Býrabaı kýrortynda 2023 jyldyń 8 qyrkúıeginde Rixos qonaq úıinde mekemeniń 21 qyzmetkerinde bakterııalyq ishek ınfekııasy anyqtalǵan. Toǵyz qyzmetker Kókshetaý aýrýhanasyna jetkizildi. Sodan keıin sanıtarlyq qyzmetter "Burabay Hotel Management" JShS qonaq úıine tekserý júrgizdi.
Zertteý nátıjelerinen jaramdylyq merzimi ótip ketken shujyq ónimderi anyqtalǵan.
"Burabay Hotel Management" JShS QR ÁQBtK 425 – babynyń 2-bóligi boıynsha quqyq buzýshylyq jasaǵany úshin kináli dep tanylsyn jáne osy boıynsha memleket kirisine 4 830 000 teńge somasynda aıyppul túrinde ákimshilik jaza qoldansyn", - delingen Býrabaı aýdandyq sotynyń qaýlysynda.
Forbes jýrnalynyń reıtıngisine sáıkes, Rixos Borovoe qonaq úıi belgili kásipker Bolat Ótemuratovqa tıesili.
“Adyrna” ulttyq portaly
