مەملەكەتارالىق ىزدەۋدە جۇرگەن قىلمىسكەر ۇستالدى

قاراعاندىلىق پوليتسەيلەر مەملەكەتارالىق ىزدەۋدە جۇرگەن ۇرىنى ۇستادى، دەپ حابارلايدى “ادىرنا” ۇلتتىق پورتالى.

پوليتسيانىڭ مالىمەتىنشە، قىلمىسكەر قازاقستاننىڭ ءىرى قالالارىندا ۇرلىق جاساعان. ۇرى 19 قاڭتاردا قاراعاندى ءىىب كريمينالدىق پوليتسياسى مەن ميحايلوۆسك پوليتسيا ءبولىمىنىڭ قىزمەتكەرلەرىمەن جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە ۇستالدى. “جالدامالى پاتەردە مەملەكەتارالىق ىزدەۋدە جۇرگەن 33 جاستاعى ەر ادام ۇستالدى. ول استانا، الماتى، قاراعاندىدا جاسالعان بىرقاتار ۇرلىقتارعا كۇدىكتى. كۇدىكتى قاراعاندىدا جاسالعان ءۇش ۇرلىقتى مويىندادى. ۇستالعان ادام ۋاقىتشا ۇستاۋ يزولياتورىنا قامالدى. تەرگەۋ جۇرگىزىلۋدە،-دەپ حابارلادى قاراعاندى وبلىسى پد ءباسپاسوز قىزمەتى.

“ادىرنا” ۇلتتىق پورتالى