ءۇندىستاننان رەسەيگە بەت العان اۋە ۇشاعى اپاتقا ۇشىرادى، دەپ حابارلايدى "ادىرنا" ءتىلشىسى پادجۆاك اگەنتتىگى ح الەۋمەتتىك جەلىسىندە.
ءۇندى كومپانياسىنىڭ ۇشاعى اۋعانستاننىڭ باداحشان پروۆينتسياسىنىڭ تاۋلارىندا اپاتقا ۇشىرادى.
اگەنتتىكتىڭ حابارلاۋىنشا، ۇشاق اۋعانستاننىڭ سولتۇستىك-شىعىسىندا قۇلاعان.
"جەكسەنبىدە جەرگىلىكتى شەنەۋنىكتەر ءۇندى جولاۋشىلار ۇشاعى باداحشاننىڭ تاۋلى ايماقتارىندا اپاتقا ۇشىرادى دەپ مالىمدەدى", - دەلىنگەن اگەنتتىك ماتەريالىندا.
باداحشان پروۆينتسياسىندا ۇشاق تەحنيكالىق اقاۋ سالدارىنان اپاتقا ۇشىراعانى ايتىلۋدا. اۋە كەمەسىنىڭ بورتىندا قانشا ادامنىڭ بولعانى ناقتى ايتىلمادى. الايدا كەي باسىلىمداردىڭ اقپاراتىنا سۇيەنسەك، بورتتا 6 ادام بولۋى مۇمكىن: ەكيپاجدىڭ 4 مۇشەسى جانە 2 جولاۋشى.
اۋعانستان اۋماعىندا جوعالعان Falcon ۇشاعى رەسەي فەدەراتسياسىنىڭ ازاماتتىق اۋە كەمەلەرىنىڭ مەملەكەتتىك تىزىمىندە تىركەلگەن بولىپ شىقتى.
ەكيپاج مۇشەلەرى گاي ء(ۇندىستان) - تاشكەنت - جۋكوۆسكي بويىنشا باعىت ۇستاعان. ۇشاق چارتەرلىك سانيتارلىق رەيس ورىنداعانى انىقتالدى.
