قتج پويىزى ءوز جۇمىسشىلارىن باسىپ كەتتى

3524
Adyrna.kz Telegram
https://adyrna.kz/content/uploads/2023/10/4002b918-4084-49ad-8bc9-12cd02f76d95-960x500.jpeg?token=a5395938481ec38ce9fb02d72802c451

جامبىل وبلىسىندا جيدەلى-بىرلىك ارالىعىندا پويىز ادامداردى باسىپ كەتتى. ەكى تەمىرجول قىزمەتكەرى قازا تاپتى. بۇل تۋرالى قازاقستان تەمىر جولىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

مالىمەت بويىنشا، 21 قاڭتاردا ساعات 7:27-دە شىعاناق-شۋ ۋچاسكەسىنىڭ جيدەلى-بىرلىك ارالىعىندا جازاتايىم وقيعا بولعان. سالدارىنان ەكى قىزمەتكەر قازا بولدى.

پويىز ءماشينيسى جەدەل تەجەۋدى ىسكە قوسقان، الايدا قايعىلى جاعدايدىڭ الدىن الۋ مۇمكىن بولماعان.

"بارلىق ءمان-جايدى انىقتاۋ ءۇشىن وقيعا ورنىنا قتج كوميسسياسى باردى. تەكسەرۋ باستالدى. قتج قىزمەتكەرلەردىڭ وتباسىلارىنا شىن جۇرەكتەن كوڭىل ايتادى جانە ولارعا قاجەتتى كومەك كورسەتەدى", - دەلىنگەن رەسمي جاۋاپتا.

پىكىرلەر