الماتىدان 250 شاقىرىم جەردە جەر سىلكىنىسى بولدى، - دەپ حابارلايدى "ادىرنا" پورتالى.
جەر سىلكىنىسىن توتەنشە جاعدايلار مينيسترلىگىنىڭ "سەيسمولوگيالىق بايقاۋلار مەن زەرتتەۋلەردىڭ ۇلتتىق عىلىمي ورتالىعى" جانە جشس تجم 24 قاڭتاردا استانا ۋاقىتىمەن ساعات 07:35-تە تىركەدى.
"جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 250 شاقىرىم جەردە قىرعىزستان اۋماعىندا ورنالاسقان. جەر سىلكىنىسىنىڭ ەنەرگەتيكالىق كلاسى 11,3. ماگنيتۋداسى MPV 4,9", - دەلىنگەن حابارلامادا.
قازاقستان اۋماعىندا سەزىلگەنى تۋرالى اقپارات جوق ەكەنى اتاپ ءوتىلدى.
ال بۇعان دەيىن 24 قاڭتار كۇنى الماتى ۋاقىتى بويىنشا ساعات 02:38-دە تاعى ءبىر ءدۇمپۋ تىركەلدى. جەر سىلكىنىسىنىڭ وشاعى الماتىدان وڭتۇستىك-شىعىسقا قاراي 273 شاقىرىم جەردە قىتاي اۋماعىندا ورنالاسقان.
"جەر سىلكىنىسىنىڭ ەنەرگەتيكالىق كلاسى - 13,3. ماگنيتۋداسى MPV - 5,5. ەپيتسەنتردىڭ كوورديناتتارى - 41,06 ° N 78,51 ° E. تەرەڭدىگى - بەس شاقىرىم. پالپاتسيا تۋرالى اقپارات (MSK-64 شكالاسى بويىنشا): الماتىدا ەكى بالل", دەپ حابارلادى دەپارتامەنت.
