قاراعاندىدا سوققىعا جىعىلعان جەدەل جاردەم جۇرگىزۋشىسى اۋرۋحاناعا ءتۇستى. بۇل تۋرالى دەنساۋلىق ساقتاۋ ءمينيسترى اجار عينيات مالىمدەدى، دەپ حابارلايدى “ادىرنا” ۇلتتىق پورتالى.
اقپارتقا سۇيەنسەك، قازىر ەر ادام ماقاجانوۆ اتىنداعى اۋرۋحانادا جاتىر. ونىڭ ميى شايقالىپ، مۇرىن سۇيەگى جانە قابىرعاسى سىنعان، كوزى كوگەرگەن.جەدەل جاردەم بريگاداسى ساعات 23:30-دا دەنە قىزۋى كوتەرىلگەن بالانىڭ ۇيىنە كەلگەن.
ايتا كەتەيىك، بۇگىن قاراعاندىدا جەدەل جاردەم كولىگىنىڭ جۇرگىزۋشىسىنە دەنە جاراقاتتارىن كەلتىرگەن ازاماتتىڭ انىقتالعانىن حابارلاعان ەدىك.
