قاراعاندىدا ۋلانعان تاعى ءبىر بالا قايتىس بولدى

قاراعاندىدا ۋلانعان بالالاردىڭ تاعى ءبىرى قايتىس بولدى، دەپ حابارلايدى “ادىرنا”. 1 تامىزدا «قاراعاندى ​​وبلىسىنىڭ بالالارعا ارناۋلى الەۋمەتتىك قىزمەتتەر كورسەتۋ ورتالىعىندا» قمۋ-دا جاپپاي ۋلانعان بالالاردىڭ تاعى ءبىرى قايتىس بولدى. «ارناۋلى الەۋمەتتىك قىزمەت كورسەتۋ ورتالىعىنىڭ بالالارى قاراعاندىداعى اۋرۋحانالاردا ەم الۋدى جالعاستىرۋدا. الايدا دارىگەرلەر قانشا تىرىسقانىمەن ءبىر ناۋقاستى امان الىپ قالۋ مۇمكىن بولماعان. كوپسالالى قالالىق بالالار اۋرۋحاناسىندا جاتقان 2012 جىلى تۋعان بالا 28 تامىزدا قايتىس بولدى. بالانىڭ جاعدايى باستاپقىدا وتە اۋىر بولدى. تەراپيانىڭ تاكتيكاسى ۇنەمى رەسپۋبليكالىق ماماندارمەن تالقىلاندى. ءولىم سەبەبى - جۇرەك جەتكىلىكسىزدىگى. تاعى بەس بالا جانساقتاۋ بولىمىندە جاتىر. ولاردىڭ جاعدايى تۇراقتى جانە اۋىر»، - دەپ حابارلادى قاراعاندى ​​وبلىسىنىڭ دەنساۋلىق ساقتاۋ باسقارماسىنىڭ ءباسپاسوز قىزمەتى. ەسكە سالا كەتەيىك، 1 تامىزدا قاراعاندى ​​وبلىسىنىڭ اكىمدىگى ۋلانۋ سالدارىنان «قاراعاندى ​​وبلىسىنىڭ بالالارعا ارنالعان ارناۋلى الەۋمەتتىك قىزمەت كورسەتۋ ورتالىعى» كمم-ءنىڭ التى بالاسىنىڭ جانساقتاۋ بولىمىندە جاتقانىن، تاعى ءبىر بالانىڭ قايتىس بولعانىن حابارلاعان بولاتىن. قىلمىستىق ءىس قوزعالىپ، مەكەمە باسشىسى جۇمىستان شەتتەتىلدى.