قاراعاندى وبلىسى اكىمدىگىنىڭ اقپاراتىنشا بۇگىنگى تاڭدا جۇزدەن اسا ورمانشى كيرزاۆود اۋدانىنداعى ورتەنگەن ورمانعا 90 مىڭ قاراعاي كوشەتتەرىن وتىرعىزادى. ورماندى جاپپاي قالپىنا كەلتىرۋ «تازا قازاقستان» اياسىندا جۇرگىزىلەدى. كوشەت وتىرعىزۋ قاراعاندى قالاسىنىڭ 90 جىلدىعىنا جوسپارلانعان.
سونىمەن قاتار، قوعام بەلسەندىلەر مەن قالا ومىرىنە بەي-جاي قارامايتىن ازاماتتار گۇلزارلارعا، ساياباقتار مەن ۇيلەردىڭ اۋلالارىنا كوشەت وتىرعىزۋدا.
قاراعاندىدا بەلسەندىلەر مايقۇدىق ساياباعىندا "جاستار اللەياسى" اتتى جاڭا اللەيا اشتى. مۇندا 500 كوشەت وتىرعىزىلدى.
اكتسياعا قالالىق ءماسليحاتتىڭ حاتشىسى التىنتورە بوكەنوۆ قاتىسىپ، تۇرعىنداردى قالالىق اۋماقتاردى كوگالداندىرۋ مەن تازالاۋدا بەلسەندى بولۋعا شاقىردى. اعاش ەگۋ – بۇل تەك ەكولوگياعا قامقورلىق جاساۋ عانا ەمەس، سونىمەن قاتار قورشاعان ورتامىزدى قورعاۋ مۇمكىندىگى، ءوز ەسىمىڭىزدى ەسيەلىك رەتىندە قالدىرۋ، دەپ اتاپ ءوتتى ول.
وتەمدىك اعاش ەگۋ اياسىندا قاراعاندىدا بارلىعى 3 مىڭ كوشەت ەگىلەدى.
ەكولوگيالىق اكتسياعا "وتراجەنيە" قوعامدىق ەكو قوزعالىسىنىڭ وكىلدەرى، قوعام بەلسەندىلەرى مەن قالا تۇرعىندار قاتىستى.
– بۇگىن جاستارمەن بىرگە تەمىرتاۋ ەكولوگياسىن جاقسارتۋعا ءوز ۇلەسىمىزدى قوستىق. قالانى كوگالداندىرۋمەن ءتورتىنشى جىل قاتارىنان اينالىسىپ كەلەمىز. ءبىز اعاشتارعا كۇتىم جاساۋ جاۋاپكەرشىلىگىن ءوز موينىنا الاتىن تۇرعىندارعا كوشەت تاراتامىز. ءۇش جىلدىڭ قورىتىندىسىنا ساي، جەلەكتەردىڭ جەرسىنۋ دەڭگەيى 90% قۇراعانىن كورىپ وتىرمىز. دەمەك، ءبىزدىڭ تۇرعىندار اعاشتاردى كۇتۋگە جاۋاپكەرشىلىكپەن قارايدى، – دەيدى ەكو-بەلسەندىلەردىڭ جەتەكشىسى ەلەنا ۆارگانوۆا.
بارلىعى تەمىرتاۋدا 5 مىڭنان استام اعاش ەگۋ جوسپارلانۋدا، بۇگىن 670 اعاش ەگىلدى.
تەرەكتەر اباي داڭعىلىندا دا ەگىلدى. قالا كوشەلەرىنە 150 كوشەت ەگىلدى. ەكو شاراعا تۇرعىندار بەلسەندى قاتىستى.
قارقارالىدا 200 قاراعان، تەرەك جانە قاراعاش كوشەتتەرى ەگىلدى.
قاراعاندى وبلىسىندا "تازا قازاقستان" اۋقىمدى ەكولوگيالىق اكتسياسى جالعاسۋدا. جالپى ەل بولىپ جۇرگىزىلىپ جاتقان تازالىق شاراسى 13 مامىرعا دەيىن جالعاسادى. ءار اپتا بەلگىلى ءبىر اتاۋمەن وتەدى. وسى جەتىكۇندىك "جاسىل ايماق" دەپ اتالادى جانە اعاش ەگۋگە، ەلدى مەكەندەردى كوگالداندىرۋعا ارنالعان.
وبلىستىڭ قالالارى مەن اۋداندارىندا جاسىل جەلەكتەرلى ەگۋ جالعاساتىن بولادى.
