شىمكەنتتە توزىعى جەتكەن سەيسمولوگيالىق ستانتسيا جاڭارتىلادى، دەپ حابارلايدى "ادىرنا" ءتىلشىسى Kazinform-عا سىلتەپ.
ءۇشىنشى مەگاپوليستىڭ سەيسمولوگيالىق ستانتسياسى 1927 جىلدان بەرى وزگە عيماراتقا اۋىستىرىلماعان.
سەيسميكالىق دەرەكتەردى جيناۋ، تالداۋ، وڭدەۋ، جەر سىلكىنىسى وشاقتارىنىڭ كلاسىن، ماگنيتۋداسىن جانە باعىتىن انىقتاۋ جۇمىستارى جۇرگىزىلەتىن بەكەتتە 3 قىزمەتكەر جۇمىس ىستەيدى.
ءبىر عاسىرعا جۋىق تاريحى بار توزىعى جەتكەن عيماراتپەن شىمكەنت قالاسىنىڭ اكىمى عابيت سىزدىقبەكوۆ «شىمكەنت» سەيسمولوگيالىق ستانتسياسىنىڭ جۇمىسىمەن تانىستى.
مەگاپوليس باسشىسى بەكەتتىڭ جاي-كۇيىن كورىپ، جاۋاپتىلارعا جاڭا عيمارات سالۋعا تاپسىرما بەردى.
توتەنشە جاعدايلار مينيسترلىگى سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى ەلىمىزدە 23 قاڭتاردان باستاپ 1900-دەن استام جەر سىلكىنىسىن تىركەگەنىن ايتتى. ال قازاقستاندىقتار ونىڭ 11-ءىن سەزگەن.
ەسكە سالا كەتەيىك، 2024 جىلعى 23 قاڭتاردا الماتى ۋاقىتىمەن 00 ساعات 09 مين 02 سەكۋندتا جەر سىلكىنىسى تىركەلىپ, جۇرتتى ابىگەرگە سالعان. بۇل اپات الماتىدا 5 بالل بولسا، شىمكەنتتە 2 بالل تىركەلگەن.
