استانادا جوعارى سىنىپتىڭ ءتورت وقۋشىسى سەگىزىنشى سىنىپ وقۋشىسىن زورلادى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى.
"وكىنىشكە قاراي، مۇنداي فاكتى ورىن الدى. ءبىز بىردەن ارەكەت ەتتىك. ءتورت كامەلەتكە تولماعان ءجاسوسپىرىم ۇستالدى. قازىر قىلمىستىق ءىس جۇرگىزىلۋدە", - دەدى قر ىشكى ىستەر ءمينيسترى ەرجان سادەنوۆ.
30 قاڭتاردا استانا مەكتەپتەرىنىڭ بىرىندە سەگىزىنشى سىنىپ وقۋشىسىنا زورلىق جاسادى دەپ كۇدىكتەلگەن كامەلەتكە تولماعانداردىڭ قاماۋعا الىنعانى تۋرالى ايتىلدى.
بالالار ومبۋدسمەنى دينارا زاكيەۆا بۇل فاكت 17 قاڭتاردا قر قك 121-بابى، 4-بولىگى (جاس بالاعا قاتىستى جاسالعان سەكسۋالدىق سيپاتتاعى زورلىق-زومبىلىق ارەكەتتەرى) بويىنشا زارداپ شەككەن سەگىزىنشى سىنىپ وقۋشىسىنىڭ اناسىنىڭ مالىمدەمەسىنەن كەيىن تىركەلگەنىن حابارلادى.
