Astanada joǵary synyptyń tórt oqýshysy segizinshi synyp oqýshysyn zorlady degen kúdikke ilindi, dep habarlaıdy "Adyrna" ulttyq portaly.
"Ókinishke qaraı, mundaı fakti oryn aldy. Biz birden áreket ettik. Tórt kámeletke tolmaǵan jasóspirim ustaldy. Qazir qylmystyq is júrgizilýde", - dedi QR Ishki ister mınıstri Erjan Sádenov.
30 qańtarda Astana mektepteriniń birinde segizinshi synyp oqýshysyna zorlyq jasady dep kúdiktelgen kámeletke tolmaǵandardyń qamaýǵa alynǵany týraly aıtyldy.
Balalar ombýdsmeni Dınara Zákıeva bul fakt 17 qańtarda QR QK 121-baby, 4-bóligi (jas balaǵa qatysty jasalǵan seksýaldyq sıpattaǵy zorlyq-zombylyq áreketteri) boıynsha zardap shekken segizinshi synyp oqýshysynyń anasynyń málimdemesinen keıin tirkelgenin habarlady.
