باتىس قازاقستان وبلىسىنىڭ اكىمى ناريمان تورەعاليۇلىنىڭ باستاماسىمەن 2024-2026 جىلدارعا ارنالعان «قالادان اۋىلعا» پيلوتتىق جوباسى باستاۋ الدى. بۇل تۋرالى كازتالوۆ اۋدانى اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
باعدارلامانىڭ ماقساتى – ازاماتتادىڭ اۋىلعا كەلۋى ىنتالاندىرۋ، حالىقتىڭ كوشى-قونىن ازايتۋ، اۋىلدىق جەرلەردە جۇمىس كۇشى تاپشىلىعىن جويۋ، اۋىلدىق جەرلەردە اگروونەركاسىپ كەشەنىن تۇراقتى دامىتۋدى قامتاماسىز ەتۋ، شاعىن ورتا بيزنەس سۋبەكتىلەرىنىڭ سانىن ارتتىرۋ، تۇراقتى جۇمىس ورنى جوق قالا ازاماتتارىنىڭ، سونداي-اق جاس وتباسىلاردىڭ الەۋمەتتىك ماسەلەلەرىن شەشۋگە قولداۋ كورسەتۋ.
بۇگىن وڭىرلىك باعدارلاما اياسىندا كازتالوۆ اۋدانىنىڭ بولاشاق اۋىلدىق وكرۋگى، جاڭاتاڭ ەلدى مەكەنىنە قونىس اۋدارۋعا نيەت بىلدىرگەن ورال قالاسىنىڭ تۇرعىنى ايات بولاتۇلى سيسەنوۆ اۋىلعا قونىس اۋدارىپ، باعدارلامانىڭ يگىلىگىن كورمەك. اۋدان اكىمى اسلانبەك سارقۇلوۆ ورال قالاسىنا ارنايى بارىپ، سيسەنوۆتار اۋلەتىمەن جۇزدەسىپ، اۋىلعا قونىس اۋدارۋعا جانە اۋىل ەكونوميكاسىنىڭ دامۋىنا ۇلەس قوسۋعا بىلدىرگەن ىزگى نيەتتەرى ءۇشىن ريزاشىلىعىن ءبىلدىرىپ، باعدارلامانى اۋدانىمىزدا جۇزەگە اسىرۋ جۇمىستارىنا توقتالدى.
كازتالوۆ اۋدانى بويىنشا اتالعان جوباعا 8 ەلدى مەكەن (جاڭاتاڭ، ءابىش، كوپكۇتىر، جاس، سارىقۇدىق، سارالجىن، ساتىبالدى، كومەكشى) بەلگىلەندى. اتالعان جوبانى جۇزەگە اسىرۋ بويىنشا اعىمداعى جىلدىڭ باسىندا ارنايى جۇمىس توبى قۇرىلدى. بارلىق كەلۋشىلەرگە سول ەلدى مەكەننەن جۇمىس ماسەلەسى، تۇرعىن ۇيمەن قامتۋ ماسەلەسى قاراستىرىلادى. جۇمىس توبىمەن ورال قالاسىندا تۇرىپ جاتىرعان 13 وتباسىمەن سويلەسۋ جۇرگىزىلدى. ناتيجەسىندە 4 وتباسى اۋىلعا كوشىپ كەلۋگە نيەت ءبىلدىرىپ وتىر. سونىمەن قاتار وسى ەلدى مەكەندەرگە جەكە ينۆەستور ەسەبىنەن ءۇي سالۋ جوسپارلانۋدا. كوشىپ كەلۋگە نيەتتى ازاماتتارعا جەرگىلىكتى دەمەۋشىلەر ەسەبىنەن ۇساق مالىن جانە ءىرى قارا مالىن بەرۋ، 1 ملن 476 مىڭ تەڭگەگە قايتارىمسىز گرانت الۋعا جانە «اۋىل اماناتى» باعدارلاماسى بويىنشا نەسيە الۋعا بولاتىندىعى جونىندە تۇسىنىك جۇمىستارى جۇرگىزىلۋدە.
جاڭاتاڭ ەلدى مەكەنىنىڭ تۋماسى ايات سيسەنوۆتىڭ شاڭىراعىندا 5 بالا بار. ونىڭ ەكەۋى مەكتەپ جاسىنداعى بالالار بولسا، ءۇش بالا مەكتەپكە دەيىنگى جاستاعى بالالار قاتارىندا. بۇگىنگى كۇنگە دەيىن بەس جىل بويى وبلىس ورتالىعىندا پاتەر جالداپ كەلگەن سيسەنوۆتار جانۇياسى جاڭاتاڭ اۋىلىندا باسپانامەن جانە جەرگىلىكتى مەتسەناتتاردىڭ دەمەۋشىلىگىمە ءىرى قارا جانە ۇساق مالمەن قامتاماسىز ەتىلەدى. سونىمەن قاتار كوپبالالى اتا-انانى جۇمىسپەن قامتۋ ماسەلەسى دە وڭ شەشىمىن تاۋىپ وتىر.
سيسەنوۆتار جانۇياسىن قالادان كوشىرۋ جۇمىستارىنا اۋدان اكىمدىگى مەن "جاستار رۋحى" جاستار قاناتىنىڭ ەرىكتىلەرى قولداۋ كورسەتتى.
