اباي وبلىسىندا پوليتسيا مەن قۇتقارۋشىلار اتقا ءمىنىپ، مال ىزدەپ كەتكەن 8 جاسار بالانى ىزدەپ تاپتى. بۇل تۋرالى polisia.kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 11 اقپاندا اياگوز اۋدانىنىڭ پوليتسيا بولىمىنە جەرگىلىكتى تۇرعىندار 2015 جىلى تۋعان ۇلى مەرەي يمانعاليدى ىزدەۋگە كومەك سۇراعان.
بالا تاڭەرتەڭ اتپەن ۇيدەن شىعىپ كەتكەننەن قايتىپ ورالماعان.
تۋىستارىنىڭ ايتۋىنشا، ساعات 10.00 شاماسىندا 8 جاسار بالا مال ىزدەپ اتقا مىنگەن.
كەشكە كەلمەگەن سوڭ الاڭداعان اتا-اناسى ءوز بەتىنشە ىزدەپ تاپپاعان سوڭ پوليتسياعا جۇگىنەدى.
بالانى ىزدەۋ ءۇشىن پوليتسەيلەردەن بولەك ەرىكتىلەر، جۇرتشىلىق جانە اۋداننىڭ قامقور تۇرعىندارى بەلسەندى قاتىستى.
قولايسىز اۋا رايىنا قاراماعي تجم ىزدەستىرۋ-قۇتقارۋ جۇمىسىنا بارلىعى 74 ادام، ەكى درون، 17 تەحنيكا، 20 جىلقى جۇمىلدىرىلعان. سونداي-اق، تجد قوسىمشا كۇشتەرى جىبەرىلدى.
مامانداردىڭ جۇمىلدىرۋىنىڭ ارقاسىندا بالا اياگوز قالاسىنىڭ شەت جاعىنان تابىلدى.
