قازاقستان Presight AI كومپانياسىمەن سۋپەركومپيۋتەر جاساۋ تۋرالى كەلىسىمگە قول قويدى، دەپ حابارلايدى “ادىرنا” ۇلتتىق پورتالى تسيفرلىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
مينيسترلىك سۋپەركومپيۋتەردىڭ ىسكە قوسىلۋى قازاقستاننىڭ جاساندى ينتەللەكتتى دامىتۋداعى ورتالىق ازياداعى كوشباسشىلىعىن انىقتايدى جانە كورشىلەس ەلدەرگە ەسەپتەۋ قۋاتىن جالعا الۋعا مۇمكىندىك بەرەدى دەپ ەسەپتەيدى.
كەلىسىمگە تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، «سامۇرىق-قازىنا» اق جانە Presight AI قول قويدى. قۇجاتتا قازاقستاندا سۋپەركومپيۋتەر جاساۋ جانە سايكەس دەرەكتەردى وڭدەۋ ورتالىعىن ء(دوو) قۇرۋ جوباسىنىڭ نەگىزگى شارتتارى كورسەتىلگەن.
"جوبانى ەكى كەزەڭدە جۇزەگە اسىرۋ جوسپارلانۋدا. ءبىرىنشىسى ەسەپتەۋ قۋاتىن قولدانىستاعى "جوق" دەرەكتەر ورتالىعىنا (ەلەكتروندىق ۇكىمەت وپەراتورى) ورنالاستىرۋدى، ال ەكىنشىسى - ەسەپتەۋ قۋاتتىلىعىنىڭ كوپ مولشەرىن ورنالاستىرا وتىرىپ، جاڭا دەرەكتەر ورتالىعىنىڭ قۇرىلىسىن كوزدەيدى", - دەپ اتاپ ءوتتى ۆەدومستۆودا.
بۇعان دەيىن باعدات مۋسين ەكونوميكا جانە ەلەكتروندىق ۇكىمەت سەكتورلارىندا جاساندى ينتەللەكتتى كەڭىنەن قولدانۋ ءۇشىن «Kazakh LLM» قۇرۋعا دايىندىق جۇمىستارى جۇرگىزىلۋدە، سونداي-اق قازاقستاننىڭ ستارتاپتارى مەن ينستيتۋتتارى مەن عىلىمي ورتالىقتارىنىڭ ەسەپتەۋ قۋاتىنا قولجەتىمدىلىگىن قامتاماسىز ەتۋ مەحانيزمىن ازىرلەۋ جوباسى تۋرالى ايتتى.
ايتا كەتەيىك، Presight AI شتاب-پاتەرى ءباا، ابۋ-دابيدە ورنالاسقان. كومپانيا ەكونوميكانىڭ ءارتۇرلى سەكتورلارىنا قىزمەت كورسەتۋ ءۇشىن ۇلكەن دەرەكتەرمەن، اناليتيكامەن جانە جاساندى ينتەللەكتپەن جۇمىس ىستەيدى.
“ادىرنا” ۇلتتىق پورتالى
