اقش اكىمشىلىگى يزرايل ارمياسىنىڭ ارسەنالىن تولىقتىرۋ ءۇشىن يزرايلگە بومبالار مەن باسقا دا قارۋلاردىڭ جاڭا ءىرى پارتياسىن جىبەرۋگە دايىندالىپ جاتىر، دەپ حابارلايدى “ادىرنا” ۇلتتىق پورتالى The Wall Street Journal (WSJ) دەرەككوزىنە سىلتەمە جاساپ.
بەلگىلى بولعانداي، جىبەرىلەتىن قارۋ-جاراق ونداعان ميلليون دوللارعا باعالانادى. سونىمەن، ۆاشينگتون يزرايلگە مىڭعا جۋىق مك-82 بومبالارىن، KMU-572 جوعارى دالدىكتەگى باعىتتاۋ جيىنتىقتارىن جانە FMU-139 بومبا ساقتاندىرعىشتارىن بەرمەك نيەتتە.
اتى-ءجونىن جاسىرۋدى ءجون كورگەن اقش بيلىگىنىڭ وكىلى ۇسىنىلعان جەتكىزۋ تۋرالى جوسپار ءالى دە اقش اكىمشىلىگىنىڭ قاراۋىندا ەكەنىن جانە ونىڭ كونفيگۋراتسياسى وزگەرۋى مۇمكىن ەكەنىن ايتتى. سونداي-اق اق ءۇي بۇل اقپاراتقا رەسمي تۇردە تۇسىنىكتەمە بەرگەن جوق.
بۇعان دەيىن اقش پرەزيدەنتى دجو بايدەن يزرايل پرەمەر-ءمينيسترى بەنيامين نەتانياحۋمەن تەلەفون ارقىلى سويلەسكەنى تۋرالى حابارلانعان بولاتىن. ساياساتكەرلەر رافاحتاعى اسكەري وپەراتسيانى تالقىلادى. اڭگىمە بارىسىندا امەريكاندىق كوشباسشى بەيبىت تۇرعىندار ءۇشىن قاۋىپسىزدىك شارالارىن ەنگىزبەستەن گازا سەكتورىنىڭ وڭتۇستىگىندەگى وپەراتسياعا قارسى شىقتى.
“ادىرنا” ۇلتتىق پورتالى
