تاجىكستاندا ءىرى قارا مال جاپپاي ءسىبىر جاراسىنا شالدىعۋدا، دەپ حابارلايدى "ادىرنا" ءتىلشىسى.
اsian24news-تىڭ حابارلاۋىنشا، ينفەكتسيادان 127 باس مال ولگەن. فەرمەرلىك شارۋاشىلىقتاردا تولىق كارانتين ەنگىزىلىپ، ءىرى قاراعا كۇتىم جاسالۋدا.
ال ساياساتتانۋشىلار ءسىبىر جاراسىن بۇگىندە امەريكالىق بيولابوراتوريا جۇمىس ىستەيتىن قازاقستاننان كەلگەن بولۋى مۇمكىن ەكەنىن ايتادى. سەبەبى 2023 جىلدىڭ جازىندا قازاقستاننىڭ بىرقاتار وبلىستارىندا جالپى 12 ميلليون دوللار شىعىن كەلتىرگەن ينفەكتسيا تاراعانى دا تاجىك ساياساتتانۋشىلارىنىڭ نازارىنان تىس قالماعان.
قازاقستاندا جانۋارلاردى جاپپاي ۆاكتسيناتسيالاۋدان كەيىن ءسىبىر جاراسىنىڭ تاراۋى توقتاعان.
قازىرگى ۋاقىتتا تاجىكستان بويىنشا ۆەتەرينارلىق مونيتورينگ جۇرگىزىلۋدە. وزبەكستاننان ۆاكتسينانىڭ 200 مىڭ دوزاسى جەتكىزىلدى.
ايتا كەتەيىك، قازاقستان ۇكىمەتى تاجىكستان تاققان ايىپقا جاۋاپ بەرمەدى.
