اقتاۋدا جەكە دەرەكتەردى زاڭسىز العان حاكەر سوتتالدى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى مالىمدەبى، دەپ حابارلايدى “ادىرنا” ۇلتتىق پورتالى.
ۇقك ءباسپاسوز قىزمەتىنىڭ مالىمەتىنشە، سوتتالعان ازامات مەملەكەتتىك اقپارات جۇيەلەرىنە زاڭسىز قول جەتكىزۋدى ىسكە اسىرعان. ونىڭ اقشالاي سىياقىعا ودان ءارى ءۇشىنشى ادامدارعا بەرۋ ءۇشىن قر ازاماتتارىنىڭ جەكە دەرەكتەرىن زاڭسىز الۋ فاكتىسى تولىق دالەلدەندى.
«قىلمىستىق كودەكستىڭ 147-بابى 3, 4-بولىكتەرى، 205-بابى 2-بولىگى جانە 208-بابى 2-بولىگى 1-تارماعىمەن قاراستىرىلعان قىلمىستىق قۇقىقبۇزۋشىلىقتى جاساۋدا كىنالى دەپ تانىلعان قازاقستان ازاماتىنا قاتىستى اقتاۋ قالاسى سوتىنىڭ ۇكىمى زاڭدى كۇشىنە ەندى»، – دەلىنگەن ۇقك حابارلاماسىندا.
ول 3 جىلعا باس بوستاندىعىنان ايىرۋ جازاسىنا كەسىلدى.
