الماتى وبلىسىندا شەكارا قىزمەتىنىڭ اسكەري قىزمەتكەرى قايتىس بولدى. بۇل تۋرالى ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
“2025 جىلعى 5 قازاندا الماتى وبلىسى بويىنشا دەپارتامەنتتىڭ مەديتسينالىق قامتاماسىز ەتۋ بولىمشەسىندە قر ۇقك شەكارا قىزمەتىنىڭ قاتارداعى جاۋىنگەر قايتىس بولدى. مەديتسينالىق قىزمەتكەرلەردىڭ الدىن الا قورىتىندىسىنا سايكەس، ءولىمنىڭ سەبەبى — مەنينگوكوكتسەميا”، — دەلىنگەن حابارلامادا.
اتالعان فاكتى بويىنشا الماتى قالاسى ناۋرىزباي اۋدانىنىڭ پوليتسيا باسقارماسىندا سوتقا دەيىنگى تەرگەۋ تىركەلدى. قىزمەتتىك تەكسەرىس باستالدى.
“قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى”، — دەلىنگەن حابارلامادا.
ۇقساس جاڭالىقتار
