2023 جىلدىڭ قاراشا ايىندا 9-سىنىپ وقۋشىسى اسىل تۇرسىنبايدى ابايسىزدا مەرت قىلعان جەتىسۋ وبلىسى كەربۇلاق اۋدانى كوكسۋ اۋىلدىق وكرۋگىنىڭ اكىمى ءاليا باقتياروۆا شارتتى جازاعا كەسىلدى، دەپ حابارلايدى “ادىرنا” ۇلتتىق پورتالى قازتاگقا سىلتەمە جاساپ.
"سوت باقتياروۆانى قك-ءنىڭ 345-بابىنىڭ 3-بولىگىندە كورسەتىلگەن قىلمىستى جاساعانى ءۇشىن كىنالى دەپ تانىعان بولاتىن. ايىپتالۋشى كىناسىن تولىق مويىنداپ، جاساعان قىلمىسىنا شىن جۇرەكتەن وكىنگەن، سونداي-اق ول بۇعان دەيىن قىلمىستىق قۇقىق بۇزۋشىلىق جاساماعان. ونىڭ مورالدىق جانە ماتەريالدىق زالالدى وتەۋ سياقتى كىنانى جەڭىلدەتەتىن ءمان-جايلارىن، سونداي-اق اسىراۋىندا كامەلەتكە تولماعان بەس بالاسىنىڭ جالعىز اسىراۋشىسى ەكەندىگىن ەسكەرە وتىرىپ، ودان باس بوستاندىعىنان ايىرۋعا بايلانىستى ەمەس جازا تاعايىنداۋ تۋرالى ءتيىستى ءوتىنىش كەلىپ تۇسكەن، ال سوت قك-ءنىڭ 63-بابىن قولدانا وتىرىپ ايىپتالۋشىنى ەكى جىل التى اي مەرزىمگە باس بوستاندىعىنان ايىرۋ تۇرىندەگى جازانى شارتتى تۇردە تاعايىندادى", - دەپ حابارلادى وبلىس سوتىنىڭ ءباسپاسوز قىزمەتى.
سونداي-اق، شەنەۋنىك بەس جىل مەرزىمگە كولىك قۇرالدارىن باسقارۋ قۇقىعىنان ايىرىلادى.
"2023 جىلعى 2 قاراشادا كەشكى ساعات 8 شاماسىندا ەسكەلدى اۋدانى بيعاش اۋىلىنىڭ بورانباەۆ كوشەسىندە اۆتوكولىكتى باسقارعان سوتتالۋشى باقتياروۆا كوشەنى كەسىپ وتپەك بولعان كامەلەت جاسىنا تولماعان ت. - نى قاعىپ، مەرت قىلدى. العان جاراقاتتارىنىڭ سالدارىنەن كامەلەتكە تولماعان جابىرلەنۋشى سول جەردە قايتىس بولدى", - دەپ ناقتىلادى سوتتا.
“ادىرنا” ۇلتتىق پورتالى
