الماتىدا قولايسىز اۋا-رايىنا بايلانىستى بىرنەشە جول-كولىك وقيعاسى بولدى، دەپ حابارلايدى “ادىرنا” ۇلتتىق پورتالى.
الماتى پوليتسيا دەپارتامەنتىنىڭ حابارلاۋىنشا، تۇندە الماتىدا التى جول-كولىك وقيعاسى، ال تاڭەرتەڭ شىعىس اينالما جولدا ەكى جول اپاتى بولعان.
نۇرماعامبەتوۆ كوشەسىنىڭ قيىلىسىندا ەكى كولىك سوقتىعىسىپ، اۋدارىلىپ قالعان. سالدارىنان ءبىر ادام مەديتسينالىق كومەككە جۇگىنگەن. ال ورىنبور كوشەسىمەن قيىلىسىندا التى كولىك سوقتىعىسقان. زارداپ شەككەندەر جوق.
"اۋا تەمپەراتۋراسىنىڭ تومەندەۋىنە، سونداي-اق كەيبىر ۋچاسكەلەردەگى كوكتايعاققا بايلانىستى الماتى پوليتسياسى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە جانە جول قوزعالىسى ەرەجەلەرىن ساقتاۋعا شاقىرادى", - دەدى الماتى پوليتسيا دەپارتامەنتىنىڭ رەسمي وكىلى سالتانات ازىربەك.
“ادىرنا” ۇلتتىق پورتالى
