مەكتەپتەردەگى ينتەرنەتتى جوعارى جىلدامدىقپەن قامتاماسىز ەتۋ ءۇشىن قازاقستانعا Starlink جابدىعىنىڭ العاشقى پارتياسى جەتكىزىلدى، دەپ حابارلايدى “ادىرنا” ۇلتتىق پورتالى Forbes.kz سايتىنا سىلتەمە جاساپ.
بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين مالىمدەدى.
"Starlink جابدىعىنىڭ العاشقى پارتياسى – 500 داناسى قازاقستانعا كەلدى", - دەدى باعدات مۋسين.
مينيستر تەلەگرام-ارناسىندا حابارلاعانداي، جەتكىزىلگەن جابدىقتى قابىلداپ، جەكە تەكسەرۋ ءۇشىن الماتىعا ساپارلاتقان. ونىڭ ايتۋىنشا، كەلەسى اپتادا تۇركىستان جانە اقمولا وبلىستارىنداعى Starlink ورناتۋعا دايىن مەكتەپتەردى جابدىقتارمەن قامتاماسىز ەتەدى. سونداي-اق مينيستر 10 كۇننەن كەيىن اتالعان تەحنيكانىڭ باسقا ايماقتارعا جەتكىزىلەتىنىنە ۋادە بەردى.
«جالپى 20 كۇن ىشىندە 2000 جيناق كەلەدى، بۇل ەلىمىزدىڭ 2000 شالعايداعى اۋىل مەكتەبىن جوعارى جىلدامدىقتى ينتەرنەتپەن قامتاماسىز ەتەدى»، - دەپ سەندىردى مۋسين.
“ادىرنا” ۇلتتىق پورتالى
