قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين YouTube Premium قىزمەتى ەندى قازاقستاندىقتار ءۇشىن قولجەتىمدى بولاتىنىن ايتتى، دەپ حابارلايدى "ادىرنا" ۇلتتىق پورتالى.
ءمينيستردىڭ ايتۋىنشا، وتكەن جىلدىڭ ناۋرىز ايىندا كرەمني القابىنا جۇمىس ساپارى بارىسىندا ول YouTube-ءتىڭ ءونىمدى باسقارۋ جونىندەگى ۆيتسە-پرەزيدەنتى ادام سميتپەن قازاقستاندا سەرۆيستى ىسكە قوسۋ ماسەلەسىن تالقىلاعان.
"ال بۇگىن مەن سىزدەرمەن كەرەمەت جاڭالىقپەن بولىسكىم كەلەدى. قولدانۋشىلار مەن كونتەنت جاسايتىندارعا جاڭا مۇمكىندىكتەر اشاتىن YouTube Premium ەندى قازاقستاندا. بۇل وقيعا ەلدىڭ تسيفرلىق ينفراقۇرىلىمىن دامىتۋ مەن ونى جاھاندىق جەلىگە بىرىكتىرۋدە جاساعان ەلەۋلى قادام", - دەلىنگەن حابارلامادا.
باعدات مۋسين، سونىمەن قاتار، قازىر تسيفرلىق ەكونوميكانى دامىتۋ مەن قازاقستانداعى جەرگىلىكتى كونتەنت-جاساۋشىلاردى قولداۋ مۇمكىندىكتەرى تالقىنالىپ جاتقانىن ايتتى.