شاحتا اپاتىنان قايتىس بولعانداردىڭ تۋىستارى پرەزيدەنتتەن كومەك سۇرادى، دەپ حابارلايدى “ادىرنا” ءتىلشىسى.
كوستەنكو شاحتاسىنداعى جارىلىستا جاقىنىنان ايىرىلعاندار مەملەكەت باسشىسى قاسىم-جومارت توقاەۆقا ۇندەۋ جاساپ، ۆيدەو جاريالادى.
"ازاماتتارىمىزدى قايتارا المايمىز، الايدا ولاردىڭ ەرلىكپەن قازا بولۋى ەسكەرتكىش رەتىندە ورناتىلسا دەيمىز. بولاشاقتا بالالارىمىز، نەمەرەلەرىمىز باسىنا بارىپ، قۇرمەتپەن ەسكە السا. ءبىزدىڭ وڭىردە ءارتۇرلى شاحتاعا ارنالعان ەسكەرتكىشتەر بار، بىراق شاحتا جۇمىسىن توقتاتقان كەزدە ولار دا قاراۋسىز قالىپ جاتىر. سوندىقتان ەسكەرتكىش جاقىندارىمىز قازا بولعان جەردە ەمەس، كەنشىلەر قالاسى قاراعاندىنىڭ ورتاسىندا ورناتىلسا دەيمىز”، - دەيدى مارقۇم بولعان كەنشىلەردىڭ تۋىستارى.
سونداي-اق، ولار ەسكەرتكىشتىڭ ورناتىلۋى پرەزيدەنتتىڭ قاتاڭ باقىلاۋىندا بولىپ، جۇمىستىڭ تەزدەتىلۋىن دە سۇرايدى.
"قۇرمەتتى پرەزيدەنت قاسىم-جومارت كەمەلۇلى توقاەۆ! سىزدەن كومەك سۇرايمىز. بىزدەر، قايتىس بولعان قاھارمان كەنشىلەردىڭ وتباسىلارى، بىرنەشە مارتە جەرگىلىكتى ورگاندارعا بارىپ، بۇل ءوتىنىشىمىزدى ايتقان ەدىك. الايدا ولاردان ەش كومەك بولمادى. پرەزيدەنتىمىز مۇنى بەيجاي قالدىرمايدى دەپ ۇمىتتەنەمىز", - دەيدى اشىنعان جۇرت.
