اقمولا وبلىسىنىڭ اكىمى مارات احمەتجانوۆ 2024 جىلعى 27 اقپاندا ۇكىمەتتە وتكەن بريفينگتە زەرەندى اۋدانى اكىمىنىڭ ورىنباسارى رولدە ماس كۇيىندە ۇستالعانى تۋرالى تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
احمەتجانوۆ قۇقىق بۇزۋشىنى جۇمىستان شىعارۋ تۋرالى ماسەلە بولۋى مۇمكىن ەكەنىن راستادى. قازىرگى ۋاقىتتا شەنەۋنىك 15 تاۋلىككە اكىمشىلىك قاماۋعا الىندى. ارى قاراي مەملەكەتتىك قىزمەتكەردىڭ تاعدىرىن كوميسسيا شەشەدى.
"ونىڭ ءارى قاراي مەملەكەتتىك قىزمەتتە قالۋ ماسەلەسى قارالىپ، شەشىلەتىن بولادى، ءوز باسىم مۇنداي زاڭبۇزۋشىلىقتاردى قۇپتامايمىن جانە ىشكى ىستەر مينيسترلىگى ەنگىزگەن جۇيە قازىر ماس جۇرگىزۋشىلەردى انىقتاپ جاتقانىنا قۋانىشتىمىن. ولاردىڭ ءبىزدىڭ ازاماتتارىمىزدىڭ ءومىرى مەن دەنساۋلىعىنا قاۋىپ توندىرەتىنىن بىلەسىزدەر. مەن مۇنداي نارسەلەرگە وتە قاتال قارايمىن. مەنىڭ ويىمشا، مەملەكەتتىك قىزمەتتە ولارعا ورىن جوق", - دەدى مارات احمەتجانوۆ.
ايتا كەتەيىك، 12 اقپاندا اقمولا وبلىسى زەرەندى اۋدانى اكىمىنىڭ ورىنباسارى ماس كۇيىندە كولىك جۇرگىزگەنى ءۇشىن 15 تاۋلىككە قاماۋعا الىنعانى بەلگىلى بولدى. ورتاشا دارەجەدە ماس كۇيىندە كولىك باسقارعان شەنەۋنىكتى پوليتسيا قىزمەتكەرلەرى توقتاتقان.
"ادىرنا" ۇلتتىق پورتالى
