“دوسىنىڭ كەسىرىنەن اجال قۇشتى”. اقتوبەدە جول اپاتى بولدى

اقتوبەدە ماس جۇرگىزۋشىنىڭ كىناسىنەن جول-كولىك وقيعاسى ورىن الىپ، سالدارىنان اتىراۋلىق ازامات قازا تاپتى، - دەپ حابارلايدى “ادىرنا” ءتىلشىسى دياپازون-عا سىلتەمە جاساپ. وقيعا اقتوبە قالاسىنىڭ ساڭكىباي باتىر داڭعىلىندا بولعان. Nissan XTrail كولىگىنىڭ 34 جاستاعى جۇرگىزۋشىسى سولعا بۇرىلۋ كەزىندە قارسى كەلە جاتقان كولىككە جول بەرمەي، جول بەلگىلەرى مەن قورشاۋلارعا سوعىلعان. Nissan XTrail كولىگىنىڭ جۇرگىزۋشىسى جاراقاتپەن اۋرۋحاناعا ءتۇستى. ال ونىڭ جاقىن دوسى وقيعا ورنىندا قايتىس بولدى. زەرتتەۋگە سايكەس، Nissan جۇرگىزۋشىسى كولىك تىزگىنىنە وتىرماس بۇرىن دوسىمەن سىرا ىشكەن. ماس جۇرگىزۋشى ءوز دوسىن اۋەجايعا الىپ بارا جاتقاندا جول اپاتىنا ۇشىراعان. سوت جول-كولىك وقيعاعا كىنالى ازاماتتى 3 جىلعا باس بوستاندىعىنان جانە 10 جىلعا جۇرگىزۋشى كۋالىگىنەن ايىردى.