اقتوبە وبلىسىندا ق.جۇبانوۆ اتىنداعى اۋىلدىق وكرۋگتىڭ اكىمى ءلاززات بەردىباەۆاعا قاتىستى اكىمشىلىك ءىس توقتاتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اقتوبە وبلىستىق كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىندا بەلگىلى بولدى.
سۋديا ايپاتشا مۋسينا اكىمشىلىك قۇقىقبۇزۋشىلىق قۇرامىنىڭ بولماۋىنا بايلانىستى ءىستى توقتاتۋ تۋرالى قاۋلى شىعاردى. ول لاۋازىمدى تۇلعانىڭ – ياعني، اكىمگە ايىپ تاققان پوليتسيا وكىلىنىڭ – قۇقىقبۇزۋشىلىقتىڭ ناقتى بولعان ورنىن انىقتاماعانىن جانە كىنانى دالەلدەيتىن جەتكىلىكتى قۇجاتتار ۇسىنباعانىن اتاپ ءوتتى.
سوت وتىرىسىندا ءلاززات بەردىباەۆا دا ءوز ارەكەتىندە قۇقىقبۇزۋشىلىق قۇرامى بولماعانىن ايتىپ، ءىستى توقتاتۋدى سۇرادى. ونىڭ ايتۋىنشا، وقيعا بولعان جەر –
سوت ءوز باستاماسىمەن قىزعالداقتاردىڭ ءتۇرىن انىقتاۋ ءۇشىن بوتانيكالىق ساراپتاما تاعايىنداپ، فوتوسۋرەتتەگى گۇلدەردىڭ سيرەك كەزدەسەتىن نەمەسە قورعاۋعا جاتاتىن تۇرگە جاتپايتىنىن انىقتادى.
ايتا كەتەيىك، ءساۋىر ايىنىڭ سوڭىندا ءلاززات بەردىباەۆانىڭ قىزعالداق ۇستاپ وتىرعان سۋرەتى الەۋمەتتىك جەلىدە تارالعان. وسىدان كەيىن وعان قر اقبتك-ءنىڭ 127-بابى، 1-بولىگى بويىنشا اكىمشىلىك حاتتاما تولتىرىلعان بولاتىن. الايدا سوت اكىمنىڭ كىناسى دالەلدەنبەگەنىن ەسكەرىپ، ءىستى توقتاتتى.
سوت شەشىمىنەن كەيىن ءلاززات بەردىباەۆا شاعىم تۇسىرمەيتىنىن مالىمدەدى.
