Aqmola oblysynyŋ äkımı Marat Ahmetjanov 2024 jylǧy 27 aqpanda Ükımette ötken brifingte Zerendı audany äkımınıŋ orynbasary rölde mas küiınde ūstalǧany turaly tüsınıkteme berdı, dep habarlaidy "Adyrna" ūlttyq portaly.
Ahmetjanov qūqyq būzuşyny jūmystan şyǧaru turaly mäsele boluy mümkın ekenın rastady. Qazırgı uaqytta şeneunık 15 täulıkke äkımşılık qamauǧa alyndy. Ary qarai memlekettık qyzmetkerdıŋ taǧdyryn komissiia şeşedı. "Onyŋ ärı qarai memlekettık qyzmette qalu mäselesı qaralyp, şeşıletın bolady, öz basym mūndai zaŋbūzuşylyqtardy qūptamaimyn jäne Işkı ıster ministrlıgı engızgen jüie qazır mas jürgızuşılerdı anyqtap jatqanyna quanyştymyn. Olardyŋ bızdıŋ azamattarymyzdyŋ ömırı men densaulyǧyna qauıp töndıretının bılesızder. Men mūndai närselerge öte qatal qaraimyn. Menıŋ oiymşa, memlekettık qyzmette olarǧa oryn joq", - dedı Marat Ahmetjanov. Aita keteiık, 12 aqpanda Aqmola oblysy Zerendı audany äkımınıŋ orynbasary mas küiınde kölık jürgızgenı üşın 15 täulıkke qamauǧa alynǧany belgılı boldy. Ortaşa därejede mas küiınde kölık basqarǧan şeneunıktı polisiia qyzmetkerlerı toqtatqan."Adyrna" ūlttyq portaly
Ūqsas jaŋalyqtar
