ءاليا نازارباەۆا مەن كونستيتۋتسيالىق كەڭەستىڭ بۇرىنعى توراعاسى يگور روگوۆتىڭ ايەلى ۆالەنتينا روگوۆا رەيدەرلىك شابۋىل جاسادى دەپ ايىپتالۋدا، دەپ حابارلايدى “ادىرنا” ۇلتتىق پورتالى.
«2003 جىلى ءاليا نازارباەۆا ءوز شەنىن پايدالانا وتىرىپ، قۇنى 170 ميلليون دوللاردى قۇرايتىن (2003 جىلعى ەسەپ بويىنشا) جەتى مۇناي بازاسى مەن 96 جانارماي قۇيۋ بەكەتىنەن تۇراتىن وپەراتسيالىق كاسىپورىندى باسىپ الدى. رەيد ءۇشىن ول بۇرىنعى يەلەرىن تۇرمەگە قاماپ، دەنە جاراقاتىن سالامىن دەپ قورقىتقان. ونىڭ قوقان-لوققىلارى سەنىمدىرەك بولۋى ءۇشىن، ول كۇندىز الماتىنىڭ ورتالىعىنداعى كاسىپ يەلەرىنىڭ ءبىرىنىڭ اكەسىن اشىق تۇردە ۇرلاپ كەتكەن جانە كۋاگەرلەردىڭ ايتۋىنشا، ۇرلاۋعا قۇقىق قورعاۋ ورگاندارىنىڭ قىزمەتكەرلەرىنىڭ قاتىسى بولۋى مۇمكىن. قىلمىستىڭ سىبايلاسى ۆالەنتينا روگوۆا بولدى، ول قازاقستان رەسپۋبليكاسى كونستيتۋتسيالىق كەڭەسىنىڭ توراعاسى، پرەزيدەنتتىڭ كومەكشىسى بولعان يگور يۆانوۆيچ روگوۆتىڭ ايەلى»، - دەلىنگەن سارسەنبى كۇنى ۇلتتىق ءباسپاسوز كلۋبىندا وتەتىن ءباسپاسوز ءماسليحاتى تۋرالى حابارلاندىرۋ ماتىنىندە.
ايتا كەتەيىك، بۇل ەكس-پرەزيدەنت نازارباەۆتىڭ اينالاسىنداعى ادامدارعا، ونىڭ ىشىندە ونىڭ جاقىن تۋىستارىنا قاتىستى رەيدەرلىك شابۋىل جاسادى دەگەن ايىپ تاعىلۋى ءبىرىنشى رەت ەمەس.
