پاۆلوداردا ساتۋشى تۇرعىنعا اقشاسىن قايتارعىسى كەلمەگەن، دەپ حابارلايدى "ادىرنا" ءتىلشىسى Pavlodarnews.kz-كە سىلتەپ.
ساتۋشى ولشەمى كەلمەگەن كۇرتەشەنىڭ اقشاسىن ءوز تۇتىنۋشىنا كەرى قايتارعىسى كەلمەگەن. تۇتىنۋشى 90 مىڭ تەڭگەگە كۇرتەشە ساتىپ العان. الايدا ول ساتىپ العان كۇرتەشەنىڭ ولشەمى تۇرعىنعا كەلمەگەن.
ساتىپ الۋشى ونى 14 كۇنتىزبەلىك كۇن ىشىندە تاۋاردى قايتارۋدى ويلاعان. الايدا ساتۋشى تاۋاردى ايىرباستاپ بەرۋدەن دە، اقشانى قايراتىپ بەرۋدەن دە باس تارتقان.
پوليتسيا دەپارتامەنتى بۇل جاعدايعا قاتىستى پىكىر ءبىلدىردى.
"تۇتىنۋشىلاردىڭ قۇقىقتارىن قورعاۋ تۋرالى" قر زاڭىنىڭ 14-بابىنا سايكەس، ساتىپ الۋشى ازىق-تۇلىككە جاتپايتىن تاۋاردى العان كەزدەن باستاپ ون ءتورت كۇن ىشىندە، ەگەر ساتۋشى (دايىنداۋشى) نەعۇرلىم ۇزاق مەرزىم جاريالاماسا، ساتىپ الىنعان تاۋاردى باسقا ولشەمدەگى، پىشىندەگى، تۇستەگى، نە بولماسا تاراپتاردىڭ كەلىسىمىمەن باسقا تاۋارعا ايىرباستاۋعا قۇقىلى", – دەلىنگەن دەپارتامەنت وكىلدەرىنىڭ حابارلاماسىندا.
