قىزىلوردالىق شەنەۋنىكتەر وڭىرلىك فۋتبولعا 1,2 ميلليارد تەڭگە جۇمساماق

1675
Adyrna.kz Telegram
https://adyrna.kz/content/uploads/2024/03/izobrazhenie_2024-03-09_200312968.png
قىزىلوردالىق شەنەۋنىكتەر فۋتبولعا 1,2 ميلليارد تەڭگە جۇمساماق، دەپ حابارلايدى "ادىرنا" ۇلتتىق پورتالى.  «تاپسىرىس بەرۋشى – «قىزىلوردا وبلىسىنىڭ دەنە شىنىقتىرۋ، سپورت جانە تۋريزم باسقارماسى» كمم; اتاۋى – سپورت كلۋبتارىنىڭ قىزمەتتەرى; قوسىمشا سيپاتتاما – وبلىس فۋتبول كومانداسىن پرەمەر-ليگا كوماندالارى اراسىنداعى قازاقستان رەسپۋبليكاسىنىڭ چەمپيوناتىنا، ەكىنشى ليگا كوماندالارى اراسىنداعى قازاقستان رەسپۋبليكاسىنىڭ چەمپيوناتىنا، فۋتبولدان رەسپۋبليكا كۋبوگىنا دايىنداۋدى جانە قاتىسۋىن ۇيىمداستىرۋ جونىندەگى قىزمەتتەر. جوسپارلانعان سوما 1,2 ملرد تەڭگە»، - دەلىنگەن مەملەكەتتىك ساتىپ الۋ پورتالىندا جاريالانعان لوتتىڭ سيپاتتاماسىندا. بايقاۋعا قاتىسۋعا وتىنىمدەردى قابىلداۋ 5 ناۋرىزدان 14 ناۋرىزعا دەيىن جالعاسادى.
پىكىرلەر