قازاق بالاسىن اسىراپ العان شەتەلدىك ءوز جاعدايىمەن ءبولىستى، دەپ حابارلايدى "ادىرنا" ءتىلشىسى Bugin.kz-كە سىلتەپ.
يۋتا شتاتىنىڭ تۇرعىنى قازاق قىزىن 6 ايلىعىندا اسىراپ العان.
شەتەلدىك ايەل قازاقستاننان ءبىر ەمەس، ەكى بالا اسىراپ، بۇگىندە تاربيەلەپ وتىر.
"ىشتەي تولىققاندىلىق سەزىنبەدىم. تاعى دا بالام بولعانىن قالادىم. العاشىندا بالا اسىراپ العىم كەلەتىنىن كۇيەۋىمە ايتقاندا ول كەلىسپەدى. ساعان 9 بالا دا از با دەدى. بىراق، ارتىنشا كەلىسىپ، قازاقستاننان بالا اسىراپ الۋدى شەشتىك", - دەدى مەري-ەنن.
شەتەلدىك اتا-انا قازاقستاننان بالا اسىراپ الۋعا 3 وتباسى بولىپ بارعانىن ايتادى.
"بالالار ۇيىنە بارعانىمدا دجۋليا ءوزى قاسىما كەلدى. ونى باۋىرىما باستىم. سول ساتتە ەرەكشە سەزىم سەزدىم. بىراق ول مەنەن قاشىپ كەتتى. كەلەسى كۇنى نيكولدى كورگەندە بىردەن قىزىم بولاتىنىن سەزدىم",- دەيدى قازاق بالاسىن اسىراپ العان ايەل مەري ەنن.
نيكولدىڭ شىن اتى - نارگيز. ول مىڭ بۇرالا بيلەگەندى، اۋەلەتە ءان ايتقاندى جاقسى كورىپتى. ول قازىر يۋتاداعى جوو بىرىندە وقيدى.
