12 ناۋرىز كۇنى "اۋىل" حالىقتىق-دەموكراتيالىق پاتريوتتىق پارتياسىنىڭ (حدپپ) بۇرىنعى توراعاسى عاني قاليەۆ 85 جاسىندا قايتىس بولدى، دەپ حابارلايدى "ادىرنا" ۇلتتىق پورتالى.
اقپاراتتى «اۋىل» حدپپ ءباسپاسوز قىزمەتى راستادى.
عاني قاليەۆ 1938 جىلى جامبىل وبلىسىنىڭ شۋ اۋدانىنا قاراستى بەلباسار اۋىلىندا دۇنيەگە كەلگەن.
ەڭبەك جولىن الماتى حالىق شارۋاشىلىعى ينستيتۋتىندا (قازىرگى قازاق ەكونوميكا ۋنيۆەرسيتەتى) وقىتۋشى بولىپ باستاعان.
1968-84 جىلدارى قازاقتىڭ اۋىل شارۋاشىلىق ەكونوميكاسى جانە ونى ۇيىمداستىرۋ عىلىمي-زەرتتەۋ ينستيتۋتىندا اعا عىلىمي قىزمەتكەر، سەكتور، ءبولىم مەڭگەرۋشىسى، ينستيتۋت ديرەكتورىنىڭ ورىنباسارى، ديرەكتورى (1988-96);
1984-88 جىلدارى قازاق قوي ءوسىرۋ تەحنولوگيا عىلىمي-زەرتتەۋ ينستيتۋتىنىڭ ديرەكتورى;
1991-1993 جىلدارى قازاق كسرو جوعارى كەڭەسىنىڭ دەپۋتاتى بولدى;
1991-96 جىلدارى قازاق اۋىل شارۋاشىلىق عىلىمدارى اكادەمياسىنىڭ پرەزيدەنتى.
1999-2004 جىلدارى قر پارلامەنتى ءماجىلىسىنىڭ دەپۋتاتى بولدى.
ۇزاق جىلدار "اۋىل" پارتياسىنىڭ توراعاسى بولىپ قىزمەت اتقاردى.
ۇقساس جاڭالىقتار
