بۇگىن تاراز قالاسىندا «اۋىل» پارتياسىنان قر پارلامەنتى ءماجىلىسىنىڭ دەپۋتاتتىعىنا كانديدات جيگۋلي دايراباەۆ، اننا دانچەنكو، ەربولات ساۋرىقوۆ، داۋلەتكەرەي كاپۇلى جانە وبلىستىق ماسليحاتقا كانديداتتار «پوليەتيلەن-اگرو» جشس ەڭبەك ۇجىمىنىڭ 70-تەن استام قىزمەتكەرمەن كەزدەستى. ولار كاسىپورىن جۇمىسىمەن، شىعاراتىن ونىمدەرىمەن تانىسىپ، دامۋ جوسپارىن تالقىلادى.
كانديدات جيگۋلي دايراباەۆتىڭ ايتۋىنشا، قازىرگى اۋىل تەك مال شارۋاشىلىعى مەن ەگىننەن عانا ەمەس، ول، ەڭ الدىمەن، ماسەلەنى كەشەندى شەشۋدەن تۇرادى. «اۋىل» پارتياسىنىڭ نەگىزگى مىندەتتەرىنىڭ ءبىرى – اگروسەكتوردىڭ يندۋستريالىق الەۋەتىن دامىتۋ.
«ءبىزدىڭ پارتيا اۋىل ءوندىرىسىن جانە اگروونەركاسىپتىك كەشەن ءۇشىن يندۋستريانى دامىتۋدى قولداۋدى جاقتايدى. مۇنداي كاسىپورىندار ءار وڭىردە بولۋى ءتيىس جانە ءبىزدىڭ مىندەتىمىز وسى ماسەلەلەردى بارلىق مۇمكىن دەڭگەيدە شەشۋ»، - دەدى جيگۋلي دايراباەۆ.
كاسىپورىن جۇمىسشىلارى جيگۋلي دايراباەۆتىڭ بۇل پىكىرىمەن تولىعىمەن كەلىستى. «اۋىل» پارتياسى ەلىمىزدىڭ جوعارعى زاڭ شىعارۋشى ورگانىندا ءوز سايلاۋشىلارىنىڭ مۇددەلەرىن قورعاي وتىرىپ، ەڭبەك ادامىنا ەرەكشە قۇقىقتىق مارتەبە بەرۋگە ۇمتىلادى.
پارلامەنت ءماجىلىسىنىڭ دەپۋتاتتىعىنا كانديداتتار شارا سوڭىندا ۇگىت-ناسيحات جۇمىستارىن جۇرگىزدى، سونداي-اق قىزمەتكەرلەرگە «اۋىل» پارتياسى سايلاۋالدى باعدارلاماسىنىڭ نەگىزگى باعىتتارىن ءتۇسىندىردى.
«پوليەتيلەن-اگرو» جشس 10 م دەيىنگى جىلىجايلارعا ارنالعان كاسىبي، كوپجىلدىق ءۇلدىر وندىرەدى. كاسىپورىن 2021 جىلى «Uly Dala goods» برەندىمەن ساپاسى جاعىنان الەمدىك انالوگتاردان كەم تۇسپەيتىن ءشوپ تايلايتىن پوليپروپيلەندى شپاگات شىعارۋدى قولعا الدى.
