تانىمال ءانشى ديماش قۇدايبەرگەن پلاسيدو دومينگوعا ىزەت كورسەتىپ، شاپان جاپتى، دەپ حابارلايدى "ادىرنا" ءتىلشىسى.
قازاقستاننىڭ حالىق ءارتىسى، ءانشى ديماش الەمدىك داڭقتى وپەرا انشىسىنە قۇرمەت كورسەتىپ جاتقان ۆيدەوسىن الەۋمەتتىك جەلىدەگى پاراقشاسىندا جاريالاعان.
ءانشى جەلىدەگى ۆيدەوسىنا اسەرلى جازبا قالدىردى.
"قاي حالىقتا بولماسىن، ءوزىنىڭ كىندىك قانى تامىپ، تۋىپ-وسكەن ەلىنە، جەرىنە دەگەن ىستىق ىقىلاسىن، تەرەڭ سەزىمدەرىن ولەڭگە قوسىپ، ءوز ولكەسىنىڭ تاۋ-تاسىن، دارحان دالاسىن، اققۋلى كولىن جىرلاماعان ونەرپاز كەمدە-كەم. ساف ونەرى ارقىلى ءوز ۇلتىنىڭ ءۇنىن، جۇرەكتەن شىققان تىڭ تۋىندىلارىن كۇللى الەمنىڭ الاقانىندا ايالاتا بىلگەن 20 عاسىردىڭ ۇزدىك وپەرا ءانشىسى پلاسيدو دومينگو اتامىزعا ءداستۇرىمىز بويىنشا شاپان جاپقان ساتتەن كورىنىس. بۇگىنگى كۇن – ەرتەڭگى تاريح", - دەپ جازدى ءانشى ديماش قۇدايبەرگەن.
ەسكە سالا كەتەيىك، ديماش قۇدايبەرگەن مەن پلاسيدو دومينگو بۋداپەشتتە Virtuosos V4+ جوباسىنىڭ فينالىندا بىرگە ءان شىرقاعان بولاتىن.
