5 قازان كۇنى ديماش قۇدايبەرگەن نيۋ-يوركتەگى ايگىلى Madison Square Garden ساحناسىندا Stranger اتتى جەكە كونتسەرتىن وتكىزەدى. بۇل تۋرالى ءانشى الماتىداعى جانكۇيەرلەرىمەن كەزدەسۋدە ايتتى، دەپ حابارلايدى “ادىرنا”،
الماتى ارەنادا جينالعان جانكۇيەرلەر بۇل جاڭالىقتى ەرەكشە قۋانىشپەن قارسى الىپ، توقتاۋسىز قوشەمەت كورسەتتى.
ايتا كەتەيىك، 2019 جىلدىڭ جەلتوقسانىندا ديماش نيۋ-يوركتەگى Barclays Center ساحناسىندا انشلاگپەن وتكەن Arnau Tour Envoy كونتسەرتىن بەرگەن بولاتىن. ول كەزدە كونتسەرتكە الەمنىڭ 63 ەلىنەن جانكۇيەرلەر جينالعان ەدى.
26 مامىر كۇنى الماتىدا وتكەن D&Dears اتتى فان-كەزدەسۋگە 45 ەلدەن 10 مىڭعا جۋىق ادام كەلگەن. يسپانيا، اقش، رەسەي، كولۋمبيا، ەكۆادور، چيلي، شۆەيتساريا، بەلگيا جانە باسقا دا ەلدەردەن كەلگەن تىڭدارماندار سۇيىكتى ارتىستەرىمەن جۇزدەستى.
ديماش قۇدايبەرگەن جانكۇيەرلەرىمەن تاعى ءبىر قۋانىشتى جاڭالىعىمەن ءبولىستى – 2026 جىلى قىتاي تەلەارناسىندا وتەتىن ۆوكالدىق شوۋعا پروديۋسەر رەتىندە قاتىساتىنىن مالىمدەدى.
كەزدەسۋ باسىندا كورەرمەندەر ديماشتى ءوتىپ كەتكەن تۋعان كۇنىمەن قۇتتىقتاپ ءان شىرقادى. سونداي-اق، ءانشى ساحنادا تەلەفون ارقىلى قازاقستاننىڭ حالىق ءارتىسى بيبىگۇل تولەگەنوۆاعا حابارلاسىپ باتاسىن الدى.
