5 qazan künı Dimaş Qūdaibergen Niu-Iorktegı äigılı Madison Square Garden sahnasynda Stranger atty jeke konsertın ötkızedı. Būl turaly änşı Almatydaǧy janküierlerımen kezdesude aitty, dep habarlaidy “Adyrna”,
Almaty arenada jinalǧan janküierler būl jaŋalyqty erekşe quanyşpen qarsy alyp, toqtausyz qoşemet körsettı.
Aita keteiık, 2019 jyldyŋ jeltoqsanynda Dimaş Niu-Iorktegı Barclays Center sahnasynda anşlagpen ötken Arnau Tour Envoy konsertın bergen bolatyn. Ol kezde konsertke älemnıŋ 63 elınen janküierler jinalǧan edı.
26 mamyr künı Almatyda ötken D&Dears atty fan-kezdesuge 45 elden 10 myŋǧa juyq adam kelgen. İspaniia, AQŞ, Resei, Kolumbiia, Ekvador, Chili, Şveisariia, Belgiia jäne basqa da elderden kelgen tyŋdarmandar süiıktı ärtısterımen jüzdestı.
Dimaş Qūdaibergen janküierlerımen taǧy bır quanyşty jaŋalyǧymen bölıstı – 2026 jyly Qytai telearnasynda ötetın vokaldyq şouǧa prodiuser retınde qatysatynyn mälımdedı.
Kezdesu basynda körermender Dimaşty ötıp ketken tuǧan künımen qūttyqtap än şyrqady. Sondai-aq, änşı sahnada telefon arqyly Qazaqstannyŋ Halyq ärtısı Bibıgül Tölegenovaǧa habarlasyp batasyn aldy.
