Şyǧys Qazaqstan oblysynda 10-12 şılde aralyǧynda Katonqaraǧai audanynda ötetın «Altai – türkı älemınıŋ altyn besıgı» halyqaralyq festivalıne daiyndyq jalǧasuda. Auqymdy etnomädeni forumnyŋ basty oqiǧalarynyŋ bırı – älemge tanymal qazaqstandyq änşı Dimaş Qūdaibergennıŋ öner körsetuı bolmaq.
Ūiymdastyruşylardyŋ mälımetınşe, önerpaz festivalge qatysuyn rastaǧan. Atalǧan şara Qazaqstannyŋ resmi turistık ıs-şaralar küntızbesıne engızılgen. Dimaştyŋ konsertı öŋırge älemnıŋ är tükpırınen keletın qonaqtar sanyn arttyrady dep kütılude.
Katonqaraǧai elımızdegı eŋ körkem turistık öŋırlerdıŋ bırı sanalady. Mūnda jyl saiyn turister sany artyp keledı, al jüzege asyrylyp jatqan investisiialyq jobalar zamanaui turistık infraqūrylymnyŋ damuyna serpın berude. Öŋırde jyl boiy jūmys ısteitın qonaqüi keşenderı men turistık auyldar salynyp, tau şaŋǧysy baǧyttary men ekologiialyq turizm damyp keledı.
Festival baǧdarlamasy mädeni, sporttyq jäne turistık ıs-şaralardy qamtidy. Qonaqtardy konserttık baǧdarlamalar, ūlttyq oiyndar, qolönerşıler körmelerı, etnomädeni jobalar jäne türkı halyqtarynyŋ salt-dästürlerımen tanystyru şaralary kütedı.
11 şılde künı saǧat 19:00-de sahnaǧa Qazaqstan, Äzerbaijan, Majarstan, Qyrǧyzstan, Özbekstan, Türkiia, Moŋǧoliia, Başqūrtstan jäne Resei Federasiiasynyŋ Tyva Respublikasynan kelgen önerpazdar şyǧady.
Olardyŋ qatarynda Efendi, Jax, Aizana, Älışer Bainiiazov, Sevarahon Tulanova, Murat Iаprak, Sübedei Samdyn, Hazina, NOX, Töreǧali Töreälı jäne Sarmat toptary bar. Keştıŋ basty hedlainerı – Dimaş Qūdaibergen.
Ūiymdastyruşylardyŋ pıkırınşe, festival jarqyn mädeni oqiǧa ǧana emes, sonymen qatar Şyǧys Qazaqstandaǧy turizm salasynyŋ damuyna qosymşa serpın berıp, öŋırdıŋ elımızdegı jetekşı turistık ortalyqtardyŋ bırı retındegı märtebesın nyǧaitady.
