Astanada qazaqtyŋ ūlttyq qolönerın därıpteuge arnalǧan şyǧarmaşylyq joba halyqaralyq deŋgeide moiyndaldy. Qoi jünınen jasalǧan 500 kartinadan tūratyn kolleksiia Global Best of Records (GBR) ūiymynyŋ sertifikatyna enıp, älemdegı eŋ ırı jinaq retınde tırkeldı.
Halyqaralyq sertifikat 2026 jylǧy 29 qazanda berılgen. Rekord iegerı retınde Däuletjan Edıge, al kolleksiia avtory retınde Läzzat Atybai körsetılgen. Jetıstık etnomädeniet jäne ūlttyq dästürler sanatyna engızılgen.
Jobany Astana qalasyndaǧy S. Säduaqasov atyndaǧy №78 mektep-gimnaziianyŋ körkem eŋbek pänınıŋ mūǧalımı, Ūlttyq dizain akademiiasynyŋ akademigı Läzzat Atybai bastaǧan. Onyŋ bastamasy keiın «Önermen örılgen Qazaqstan: kiızben jazylǧan tarih» atty respublikalyq şyǧarmaşylyq jobaǧa ūlasqan.
29 qazanda Äl-Farabi atyndaǧy Oquşylar saraiynda ötken tanystyrylymda Qazaqstannyŋ är öŋırınen kelgen ūstazdar men şeberlerdıŋ jūmystary ūsynyldy. Ūiymdastyruşylardyŋ mälımetınşe, körmege qoiylǧan kartinalardyŋ jalpy sany 750-den asqan. Al halyqaralyq rekordqa 500 tuyndy ūsynylǧan.
Jūmystarda qazaq dalasynyŋ tabiǧaty, tarihi oryndar, ūlttyq oiu-örnekter men halyqtyŋ tūrmys-tırşılıgı beinelengen.
Jobanyŋ erekşe tuyndylarynyŋ bırı – kölemı 7×4 metr bolatyn Qazaqstan kartasy. Ony Läzzat Atybai şäkırtterımen bırge bes ai boiy daiyndaǧan. Kartany jasauǧa 10–15 kelı jün jūmsalyp, daiyn būiymnyŋ salmaǧy 25–30 kelıge jetken.
Aita keteiık, Global Best of Records ūiymynyŋ sertifikaty Ginnestıŋ rekordtar kıtabyna qatysy joq jäne ūiymnyŋ jeke tırkeu jüiesıne jatady. Ūiymnyŋ ortalyǧy Bırıkken Arab Ämırlıkterınıŋ Şarja qalasynda ornalasqan.
Joba ūlttyq qolönerdı jaŋǧyrtyp, kiız basu dästürın jas ūrpaqqa üiretuge baǧyttalǧan. Sonymen qatar ūstazdar men oquşylardyŋ bırlesken eŋbegı arqyly qazaq mädeni mūrasyn halyqaralyq deŋgeide tanytuǧa mümkındık berdı.
