«بارمىسىڭ، باۋىرىم؟» حابارى ارقىلى شەتەلدىكتەر اسىراپ العان ەكى بالا ءوز تۋعانىن تاپتى، دەپ حابارلايدى "ادىرنا" ءتىلشىسى.
بۇل تۋرالى قىمبات دوسجان الەۋمەتتىك جەلىدەگى پاراقشاسىندا جازدى.
باعدارلامانىڭ وتكەن ساندارىندا روزا باگۋسوۆا ەسىمدى كەيىپكەر ءوز وقيعاسىن بايانداپ، اتا-اناسىن ىزدەپ كەلگەنىن ايتقان ەدى.
ءبىر اپتادان سوڭ باعدارلاما رەداكتسياسى روزانىڭ اناسى دا، اكەسى دە تابىلعانىن حابارلادى.
"بۇعان دەيىن ءبىز جانىبەكتىڭ ارقاسىندا 4 بالانىڭ اناسىن تاپقانىمىزدى ايتقان بولاتىنبىز. بۇگىن "بارمىسىڭ، باۋىرىم" ستۋدياسىندا تاعى ەكى بالانىڭ اتا-اناسىن، جاقىندارىن تاپتىق. ەفير ارقىلى تىلدەستىردىك",
بۇل ەكى بالا - روزا جانە نۇرلان. ارقالىق قالالىق بالالار ۇيىنەن قوس قازاق بالاسىن شەتەلدىك وتباسى اسىراپ الىنعان.
قىمبات دوسجاننىڭ ايتۋىنشا، ەكەۋى ەكى ءتۇرلى وتباسىنان شىقسا دا ءبىر وتباسىعا ءتۇسىپ، اعالى-قارىنداستاي وسكەن.
روزانىڭ اناسى دا، اكەسى دە تابىلعان. ستۋدياعا بويجەتكەننىڭ تۋىسى كەلگەن. ال نۇرلانعا تۋعان اناسىمەن تىلدەسەتىندەي مۇمكىندىك تۋعان.
