«ياندەكس تاكسي» قىزمەتى Crocus City Hall كونتسەرت زالىنىڭ جانىنداعى اۋماقتان بارلىق ساپارلاردى جولاۋشىلار ءۇشىن تەگىن ەتتى، دەپ حابارلايدى “ادىرنا” ۇلتتىق پورتالى رەسەيلىك كولىك باسقارماسىنىڭ اقپاراتىنا سىلتەپ.
"ياندەكستىڭ حابارلاۋىنشا، ياندەكس تاكسي جولاۋشىلار ءۇشىن Crocus City Hall اۋماعىنان بارلىق ساپارلاردى تەگىن جاسادى. وسى اۋماقتان بۇرىن اقىلى بولعان ساپارلار ءۇشىن قىزمەت كەلەسى ەكى كۇن ىشىندە اقشانى تولىعىمەن قايتارادى", - دەلىنگەن جەدەلحاتتا.
تاكسي ساپارلارى ءۇشىن كوەففيتسيەنت العاشقى مينۋتتاردا عانا كوتەرىلدى. ماسكەۋ ۇكىمەتى مەن ياندەكس كومپانياسىنىڭ بىرلەسكەن جۇمىسىنىڭ ارقاسىندا ونى ازايتۋ بويىنشا بارلىق شارالار تەز ارادا قابىلداندى، دەپ اتاپ ءوتتى دەپارتامەنت.
ەستەرىڭىزگە سالا كەتەيىك، 22 ناۋرىز كۇنى كەشكە رەسەيدىڭ كروكۋس سيتي حوللىندا بەلگىسىز بىرەۋلەر ءىرى تەراكت جاساعان بولاتىن. الدىن الا مالىمەت بويىنشا، ونداعان ادام قازا تاۋىپ، 100-دەن استامى جارالانعان. كروكۋس سيتي حوللداعى تەراكتىگە بايلانىستى قازاقستان ازاماتتارى ءۇشىن سەنىم تەلەفونى اشىلدى. پرەزيدەنت قاسىم-جومارت توقاەۆ قازاقستان اتىنان ماسكەۋدەگى كروكۋس سيتي حوللداعى لاڭكەستىك ارەكەتتى قاتاڭ ايىپتادى. ايتا كەتەيىك، ۋكراينا لاڭكەستىك ارەكەتكە قاتىسى جوقتىعىن بىردەن ءمالىم ەتتى.
