قوناەۆ قالاسىندا جاس جىگىتتەر ستۋدەنت قىزدى، ۇرىپ ولتىرگەن. بۇل تۋرالى نەمولچي قورىنىڭ باسشىسى دينارا سمايىلوۆا Facebook-تەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
دينارا سمايىلوۆانىڭ جازۋىنشا، مارقۇم كوللەدجدە اسپاز ماماندىعى بويىنشا وقىپ جۇرگەن. ال قىلمىسقا قاتىستى كۇدىكتىلەر 18-21 جاس ارالىعىندا ەكەن.
«قىز ولاردىڭ بىرىمەن 7 ناۋرىزدا تانىسقان. بىراق شامامەن ناۋرىزدىڭ 14-ىنەن 15-ىنە قاراعاندا ستۋدەنتتى قاتىگەزدىكپەن ءولتىرىپ كەتكەن. ولار ونىڭ تەلەفونىن الىپ، وزدەرىنە نەسيە راسىمدەگەن. قالانىڭ سىرتىنا الىپ شىعىپ، سويىلمەن ۇرىپ-سوعىپ، دالاعا تاستاپ كەتكەن. قىزدىڭ تۋىستارىنا ءمايىتتىڭ 21 ناۋرىزدا تابىلعانى حابارلانعان. اپكەسى ونى ءمايىتحانالاردان ءوزى ىزدەگەن، سەبەبى ستۋدەنتتىڭ دەنەسى قاي جەردە ەكەنىن ەشكىم ايتپاپتى. ءمايىتىن تاپقان كەزدە دەنەسىنەن كوگەرگەن، قولىندا ءجىپتىڭ ءىزى قالعانىن كورگەن»، – دەپ جازدى قور باسشىسى.
ال قوناەۆ قالاسىنىڭ پوليتسياسى كۇدىكتىلەردى ۇستاعان. بىراق مارقۇمنىڭ جاقىندارى 2 ادامنىڭ ۇستالعانىن، الايدا تاعى 2 ادامنىڭ بوستاندىقتا ەكەنىن جەتكىزگەن. سوندىقتان ولار قىلمىسكەرلەر جازاسىز قالا ما دەپ قورقادى.
جەتىسۋ وبلىستىق پوليتسيا دەپارتامەنتى بۇل دەرەككە قاتىستى ءالى پىكىر بىلدىرمەدى.
