بيىلعى جىلى كوكتەمگى سۋ تاسقىنى ءبىراز ەلدى مەكەندەرگە قاۋىپ توندىرۋدە. سونىڭ ىشىندە قاراتوبە، تەرەكتى اۋداندارىندا جانە ورال قالاسىندا توتەنشە جاعداي جاريالاندى. جالپى وبلىس بويىنشا تاسقىن سۋ سالدارىنان 5 كوپقاباتتى، 400-دەن استام تۇرعىن ءۇي جانە 17 الەۋمەتتىك ماڭىزى بار نىساندى سۋ باستى. اتاپ ايتساق، ورال قالاسى، بايتەرەك، تاسقالا، تەرەكتى، قاراتوبە اۋداندارى. ەلدى-مەكەندەردەگى تۇرعىندار ەۆاكۋاتسيالىق پۋنكتتەرگە كوشىرىلىپ، ءۇي جانۋارلارى قاۋىپسىز اۋماقتارعا ايدالدى. زارداپ شەككەندەر مەن جاراقات العاندار تىركەلمەگەن. بۇدان باسقا، 19 اۆتوجولداردىڭ (1 رەسپ، 3 وبلىستىق، 15 اۋداندىق), 28 ۋچاسكەنى سۋ شايۋ فاكتىلەرى انىقتالدى.
تابيعي اپات ايتىپ كەلمەيدى، جان-جاقتان كەلگەن ەرىگەن قار سۋى لىق تولىپ، ەش مۇمكىندىك بەرمەدى. ابىروي بولعاندا ادامدار ءدىن امان.
"اMANAT" پارتياسىنىڭ باستاۋىش ۇيىم توراعالارى مەن مۇشەلەرى، پارتيانىڭ بەلسەندى ازاماتتارى وقيعا ورنىندا حالىقپەن بىرگە بولىپ كومەك كورسەتۋدە.
جاستار رۋحى بەلسەندىلەرى تاۋلىك بويى كەزەكشىلىكتە جۇرگەن توتەنشە جاعداي دەپارتامەنتى قىزمەتكەرلەرىنە اۋىزاشار ۋاقىتىندا ىستىق تاماق ۇلەستىرىپ، قولداۋ ءبىلدىردى.
اعىن سۋ سالدارىنان زارداپ شەككەن تۇرعىندارعا كومەك كورسەتۋ ماقساتىندا پارتيالاستاردان گۋمانيتارلىق كومەك جينالۋدا. سونىمەن قاتار وبلىستىق، قالالىق ءماسليحات دەپۋتاتتارى وبلىستىق پارتيا جانىنا اشىلعان ەسەپشوتقا ماتەريالدىق كومەك رەتىندە قاراجات اۋدارىپ، بارلىق دەڭگەيدەگى پارتيا فيليالدارىنىڭ قىزمەتكەرلەرى بىركۇندىك جالاقىلارىن اۋدارىپ كومەك كورسەتۋدى. گۋمانيتارلدىق كومەكتىڭ ءبىرىنشى پارتياسى بۇگىن تۇسكە دەيىن قاراتوبە اۋدانى ورتالىعىنا جەتكىزىلەتىن بولادى. جينالعان كومەك بارلىق توتەنشە جاعداي رەجيمى جاريالانعان اۋداندارعا جەتكىزىلەتىن بولادى.
سونىمەن قاتار، توتەنشە جاعداي رەجيمى جاريالانعان بىرقاتار اۋداندارداعى ەلدى-مەكەندەردىڭ تۇرعىندارىمەن كەزدەسىپ، ولاردىڭ ارىز-تىلەكتەرىن تىڭداپ، سۋ باسقان ۇيلەردىڭ جاعدايىمەن تانىسۋ ءۇشىن وبلىستىق جانە قالالىق ءماسليحات دەپۋتاتتارى، جاستار رۋحى بەلسەندىلەرى جانە وبلىستىق پارتيا فيليالى قىزمەتكەرلەرى باردى.
پارتيا باسشىلىعىنىڭ شەشىمىنە سايكەس، AMANAT پارتياسىنىڭ بىرقاتار وبلىستىق فيليالدارى تاراپىنان باتىس قازاقستان وبلىسى حالقىنا ماتەريالدىق جانە جوندەۋگە قاجەتتى ماتەريالدارمەن كومەك كورسەتىلەتىن بولادى.
