Bıylǵy jyly kóktemgi sý tasqyny biraz eldi mekenderge qaýip tóndirýde. Sonyń ishinde Qaratóbe, Terekti aýdandarynda jáne Oral qalasynda tótenshe jaǵdaı jarııalandy. Jalpy oblys boıynsha tasqyn sý saldarynan 5 kópqabatty, 400-den astam turǵyn úı jáne 17 áleýmettik mańyzy bar nysandy sý basty. Atap aıtsaq, Oral qalasy, Báıterek, Tasqala, Terekti, Qaratóbe aýdandary. Eldi-mekenderdegi turǵyndar evakýaııalyq pýnktterge kóshirilip, úı janýarlary qaýipsiz aýmaqtarǵa aıdaldy. Zardap shekkender men jaraqat alǵandar tirkelmegen. Budan basqa, 19 avtojoldardyń (1 resp, 3 oblystyq, 15 aýdandyq), 28 ýchaskeni sý shaıý faktileri anyqtaldy.
Tabıǵı apat aıtyp kelmeıdi, jan-jaqtan kelgen erigen qar sýy lyq tolyp, esh múmkindik bermedi. Abyroı bolǵanda adamdar din aman.
"AMANAT" partııasynyń bastaýysh uıym tóraǵalary men músheleri, partııanyń belsendi azamattary oqıǵa ornynda halyqpen birge bolyp kómek kórsetýde.
Jastar rýhy belsendileri táýlik boıy kezekshilikte júrgen tótenshe jaǵdaı departamenti qyzmetkerlerine aýyzashar ýaqytynda ystyq tamaq úlestirip, qoldaý bildirdi.
Aǵyn sý saldarynan zardap shekken turǵyndarǵa kómek kórsetý maqsatynda partııalastardan gýmanıtarlyq kómek jınalýda. Sonymen qatar oblystyq, qalalyq máslıhat depýtattary oblystyq partııa janyna ashylǵan esepshotqa materıaldyq kómek retinde qarajat aýdaryp, barlyq deńgeıdegi partııa fılıaldarynyń qyzmetkerleri birkúndik jalaqylaryn aýdaryp kómek kórsetýdi. Gýmanıtarldyq kómektiń birinshi partııasy búgin túske deıin Qaratóbe aýdany ortalyǵyna jetkiziletin bolady. Jınalǵan kómek barlyq tótenshe jaǵdaı rejımi jarııalanǵan aýdandarǵa jetkiziletin bolady.
Sonymen qatar, tótenshe jaǵdaı rejımi jarııalanǵan birqatar aýdandardaǵy eldi-mekenderdiń turǵyndarymen kezdesip, olardyń aryz-tilekterin tyńdap, sý basqan úılerdiń jaǵdaıymen tanysý úshin oblystyq jáne qalalyq máslıhat depýtattary, Jastar rýhy belsendileri jáne oblystyq partııa fılıaly qyzmetkerleri bardy.
Partııa basshylyǵynyń sheshimine sáıkes, AMANAT partııasynyń birqatar oblystyq fılıaldary tarapynan Batys Qazaqstan oblysy halqyna materıaldyq jáne jóndeýge qajetti materıaldarmen kómek kórsetiletin bolady.
