اقىن داۋىسى كوككە جەتەدى -
قينالسا، سۇيسە، ساعىنسا.
اقىندىعى ونىڭ تەككە كەتەدى -
ادامدىعىنان جاڭىلسا.
شايىردىڭ ءۇنى شىڭنان اسادى -
ءور رۋحىن ءوزى ۇعىنسا.
وتاۋىن ونىڭ قۇل دا باسادى -
ىرقىنا ەگەر جىعىلسا .
اقىننىڭ جىرى كوپكە جەتەدى،
كوككە جەتكەنى - ءتۇس ەمەس.
اقىنىن كىمدەر وكپەلەتەدى ؟
وكپەلەتكەنى - كىسى ەمەس.
اقىن جۇرەگى جۇلدىزدى سۇيەر،
جۇلدىزى - جانىن سەزىنسە.
عارىشقا بارسا - قاناتى كۇيەر،
كۇيگىسى كەلمەس əزىرشە...
ۇمىتشاقپىن
بەلىنەن اسپاي جاتىپ جىگىت شاقتىڭ،
كەي كەزدە ۇمىتشاقپىن.
قىزىقپەن كەشەگى وتكەن سايران كۇندەر،
ەسكە دە تۇسپەي قويار دۇرىستاپ تىم.
تۇراتىن تالدىقورعان شىعىسىندا،
ويىمدا _ ەلدەگى دوس، تۋىسىم دا.
ويىمدا _ "اسىلوزەك", ءبىر سۇلۋ قىز،
تەك قانا ءبىز بارعان ساي... ءتىل ۇشىندا.
بىرەۋلەر "ۇمىتشاق"-دەپ كۇلىپ تۇردى،
مەن بىراق ۇمىتپاپپىن قىلىقتىمدى.
ەسىمىن تالاي قىزدىڭ ساقتاعان ەم،
ەح، سونىڭ ءبəرىن ءبىر جان ۇمىتتىردى.
ەسىمنەن شىققاندارعا كەشىر دەدىم،
(ەح، قايران قابىلەتىم ەسىل مەنىڭ)
ولار دا مەنى ۇمىتىپ كەتتى مە ەكەن،
جىرىمنان ىزدەي مە əلدە ەسىمدەرىن؟
كەزدەسسەك تانىپ مۇمكىن قارايدى ولار،
ءƏلى دە عاشىعىنا بالاي قارار.
ۇمىتۋ دەگەن نəرسە جاقسى ەمەس-اۋ،
ۇمىتسا مەنى ءبىر جان قالاي بولار...
***
مىنا داۋىردە، مىنا عاسىردا،
جىلدار مەن ايلار، كۇن اراسىندا.
ءومىردىڭ تەرەڭ تۇڭعيىعىندا،
كوڭىلدىڭ بيىك مۇناراسىندا.
قاۋىزىن اشقان گۇلدىڭ ىشىندە،
شاتتىقتىڭ جانە مۇڭنىڭ ىشىندە.
بىرەسە جاقىن، بىرەسە الىس،
ۇقساعان بەينە - نۇرلى مۇسىنگە.
ەرىپ ءبىر جاتقان قار اراسىندا،
ءمولت ەتكەن تامشى دالادا، شىڭدا.
سەزىمنىڭ تۇنىق جۇپارىن جۇتقان،
تىنىستاپ ەركىن تاڭ اۋاسىن دا.
جاۋھارعا تولى جىردىڭ ۇلگىسى،
ايدارى التىن - جىلدىڭ ءبىر قۇسى.
ءسىز ەكەنسىز عوي كوكتەممەن كەلگەن،
گۇلدىڭ ءسىڭىلى، كۇننىڭ قۇربىسى..
ايكوركەم
كوركەم عىپ،
əدەمى عىپ، قىلىقتى عىپ،
جاراتقان سەنى جانىم، تۇنىق قىلىپ.
ءوزىڭدى كورگەندە العاش وسال ەدىم،
(تارتىلماي تارتپا ايىلىم، بوساڭ--ەرىم)
جىبەرگەن سەن ەدىڭ عوي شىنىقتىرىپ.
سودان بەرى
سان جىلدار پاراقتالىپ،
سودان بەرى
سان جىرلار قاناتتانىپ،
ۋاقىت سىرىن قويعانداي شىن ۇقتىرىپ.
مۇڭايماي كەرىسىنشە كۇلىپ تۇرىپ:
قىزىل كۇن توككەن شاقتا كەشكى ارايىن،
ايكوركەم،
سەنى عانا ەسكە الايىن.
كەزدەسكەن كەزىمىزدە ءىڭىر ەدى،
كورسەتپەي تۇرعان سəتتە اسپان ايىن.
دəل قازىر عاشىق جۇرەك ەلجىرەسىن،
سەن بىلەسىڭ،
ىشىندە ء_مولدىر ەسىم.
ءمولدىر ەسىم دەگەنىم _سەن ايكوركەم،
جاسىرام مىناۋ جۇرتتان ەندى نەسىن...
سەزىممەن əركەز ساعان تارتىپ تۇرار،
Əر مينۋتتا
دەگەنىم ارتىق شىعار،
Əر ساعاتتا
ميىمدا سەن جۇرەسىڭ.
وتكەن كۇن əلەمىنە بويلاپ əسەم،
مۇڭايعان كوڭىلىمدى جايدارى ەتەم.
سەن ماعان سوندا ءبىر ءسوز ايتپاعاندا،
مەن مۇلدە سەن تۋرالى ويلاماس ەم.
ايكوركەم...
د-عا
قاناتىڭدى ەركىن قاعىپ،
قالىقتايسىڭ كوركىڭ جانىپ.
قارا جولعا قارايلايسىڭ،
قاناتتاستىڭ سەرتىن باعىپ.
قاۋىرسىنىڭ ءۇلپ-ءۇلپ ەتىپ،
ءتəۋىر سىرىن شەرتۋدە انىق.
قالاي –قالاي بولار دەۋشى ەم،
قايران ەتتىڭ ەركىمدى الىپ.
جۇرەگىڭنىڭ تەرەڭ سىرىن،
ازداپ ۇعىپ كەلەم كۇنىم.
مەنىڭ وتىم باسىلعاندا،
ورتتەي لاۋلاپ، سەن ءورشىدىڭ.
سەنىڭ گۇلىڭ اشىلعاندا،
سوعان سەپتىم ولەڭ –شىرىن.
جىرىمدى وقى، بىلگىڭ كەلسە،
سەزىمىمنىڭ ەگەر شىنىن.
بىلەككە ەمەس، جۇرەككە كەپ،
قونعان اپپاق كوگەرشىنىم.
***
بيىل دا شەرۋلى شارالار،
ءبىز تۋعان ولكەنى ارالار.
كوكتەمدە اۋىلدى ساعىنىپ،
ونەرپاز قۇستار دا ورالار.
باقتاردىڭ مەن تۇرعان ۇيدەگى،
جۇپارىن شاشقاندا سيرەنى.
جىل سايىن كەلەتىن قۇس لەگى،
ساپاردان جەتسە امان يگى ەدى.
ساعىنىش سازى بار ۇنىندە ،
(سايرايتىن ماحاببات تىلىندە)
تويلايتىن بىزبەنەن سول قۇستار،
مەن تۋعان كوكتەمنىڭ تۇنىندە.
تاڭعى اسپان تۇرگەنشە تۇڭلىگىن،
جاراسىپ قىز-جىگىت، سىڭعىر ءۇن.
تاراسىپ دوستارىم كەتكەنشە،
قاسىمنان كەتپەيتىن بۇلبۇلىم.
سول تۇنگى جىر مەنەن əن قايدا؟
سول تۇنگى سىر مەنەن سəن قايدا؟
ءƏنىمدى تىڭدايتىن دوس قايدا؟
جىرىما كەيىپكەر جان قايدا؟
بىلتىر دا سول باقشا گۇلدەپتى،
بىراق تا ەشبىر جان كىرمەپتى.
دوستارىم مەن ءجəيلى بىلسە دە،
قۇستارىم بىلمەپتى...
ءبىز كوشىپ كەتكەلى سان جىلدار،
(سول وتكەن جىلداردا "بال كۇن" بار)
سول باقتى كوڭىلسىز ەتپەس ەم،
جازىلعان تاعدىر بار...
***
كوكتەم كەلمەي شۇعىلالى،
تال دا جارماي ءبۇرىن ءəلى،
قىس مەزگىلى جىلىعانى،
قاردان تامشى تۇنىعانى
مەيىرىمى شىعار انانىڭ.
بۇلت قويۋلاپ اسپانداعى،
بۇرقاسىن جەل باستالعانى،
جاڭبىرلاتقان اقپان قارى،
كوز جاسى شىعار انانىڭ.
ەل ءتوزىمىن توناعانى-
ءومىردى ورتكە وراعانى...
ايىققان جوق ادام ءəلى،
ساۋىققان جوق سانام ءəلى،
تۇزەلگەن جوق قوعام ءəنى.
بۇل اقپاننىڭ جارا جانى،
بۇل اقپاننىڭ بوراعانى
جان داۋىسى شىعار انانىڭ...
***
سەن كەلگەلى - كوتەرىلدى ەڭسەم دە،
سەن كەلگەلى - سىيماي ءجۇرمىن ولشەمگە.
ءومىر ءوزىن سۇيىكتى ەتىپ بارادى،
سەن دە سولاي.
سەنبەسەڭ دە،سەنسەڭ دە.
جان- دۇنيەڭ سەكىلدى ءبىر كۇمىس باق،
كۇمىس باقتا تۇرعاندايسىڭ گۇل ۇستاپ.
مەنىڭ جانىم سەنىكىنە ۇقسايدى،
زەيىن سالشى دۇرىستاپ.
كىم بىلەدى، جىلدار ءبىزدى كەز قىلدى،
كىم بىلەدى، سىرلار نەنى سەزدىردى؟
سەن دە سۇيەدى ەكەنسىڭ عوي بايقاسام ،
مەن سۇيەتىن مەزگىلدى.
كوڭىلىڭ دە تۋرا ماعان تارتىپتى-اۋ،
ء(بىزدىڭ كوڭىل- قۇس سايراعان بارقىت باۋ)
ءومىرىمىز مۇلدە بولەك،سەبەبى :
مەندە مۇڭ بار ارتىقتاۋ.
مۇڭ بولعاندا مەندەگى مۇڭ - عازال مۇڭ،
جاقىن كەلمە،
الىس كەتپە اجارلىم!
اراداعى اردىڭ تۋى جىعىلسا،
قالاي ولەڭ جازارمىن ؟!
***
سەنىڭ اتىڭ _سەزىم دەيتىن ۇلى كۇش،
مەنىڭ اتىم _ كوز ىلمەيتىن قۇبىلىس.
سەندىك جۇرەك_مەنى سۇيگەن پەرىشتە،
مەندىك جۇرەك_كەۋدەمدەگى پەيىشتە.
سەندىك عۇمىر_جىر بەينەگە اينالعان،
مەندىك عۇمىر_تاعدىرى تاس بايلانعان.
سەندىك قيال_ مەن بىلمەيتىن اعىستا ،
مەندىك قيال_بۇگىن تاعى عارىشتا..
جانگەلدى نەمەرەباەۆ
"ادىرنا" ۇلتتىق پورتالى
