وسى جىلدىڭ 30 ناۋرىزىنداعى جاعداي بويىنشا ەلوردادا الەۋمەتتىك تۇرعىن ءۇي الۋعا كەزەكتە 40 878 ازامات تۇر، دەپ حابارلايدى استانا اكىمدىگىنىڭ رەسمي سايتى.
جەتىم بالالار، اتا-اناسىنىڭ قامقورلىعىنسىز قالعان بالالار ساناتتارى بويىنشا كەزەكتە تۇر;
– "التىن القا", "كۇمىس القا" القالارىمەن ناگرادتالعان نەمەسە بۇرىن "باتىر انا" اتاعىن العان، سونداي-اق I جانە II دارەجەلى "انا داڭقى" وردەندەرىمەن ناگرادتالعان كوپ بالالى انالار، كوپ بالالى وتباسىلار;
- حالىقتىڭ الەۋمەتتىك وسال توپتارى;
- مەملەكەتتىك قىزمەتشىلەر، بيۋدجەتتىك ۇيىمداردىڭ قىزمەتكەرلەرى، اسكەري قىزمەتشىلەر;
- قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جالعىز تۇرعىن ءۇيى اپاتتى دەپ تانىلعان ازاماتتار.
2024 جىلى ەلوردانىڭ تۇرعىن ءۇي جانە تۇرعىن ءۇي ينسپەكتسياسى باسقارماسى 3 382 پاتەر، ونىڭ ىشىندە حالىقتىڭ الەۋمەتتىك وسال توپتارى مەن كوپبالالى وتباسىلار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي باعدارلاماسى; جۇمىس ىستەيتىن جاستار ءۇشىن كرەديتتىك تۇرعىن ءۇي; ساتىپ الۋ قۇقىعىنسىز جالعا بەرىلەتىن تۇرعىن ءۇي; "ەلوردا جاستارى" وڭىرلىك باعدارلاماسى شەڭبەرىندە بەرۋدى جوسپارلاپ وتىر.
بۇگىنگى تاڭدا اتالعان پاتەرلەردىڭ 1 342-ءسى ءبولىندى. ەستەرىڭىزگە سالا كەتەيىك، ەلوردادا ەسكى تۇرعىن ۇيلەردى جاڭارتۋ باعدارلاماسى اياسىندا اپاتتى ۇيلەردى بۇزۋ جانە ەلوردا تۇرعىندارىن جاڭا تۇرعىن ۇيگە كوشىرۋ قاراستىرىلعان. 2024 جىلى 60 اپاتتى ءۇيدىڭ تۇرعىندارى 1400 پاتەرگە كوشىرىلەدى، ياعني ەلوردانىڭ 4200-گە جۋىق تۇرعىنى جاڭا تۇرعىن ۇيمەن قامتاماسىز ەتىلەدى.
